من محمد عمر الحربي الى الوالد القائد خادم الحرمين الشريفين الملك عبدالله بن عبدالعزيز حفظه الله
بعد خيبة الامل اللتي احسها هو واخوانه العاطلين عن العمل كتب هذي الابيات ينشاد فيها والدنا بعد يئسه الشديد بالعثور على وظيفه حكوميه .
يقول محمد
.
.
فزعتك ياصقر العروبه ترانا....رجال لكن في بلادك صغرنا
باغنى بلد والفقر فيها وطانا.... ووزيرنا الفايز سكوته قهرنا
اعمارنا راحت ووكلاً رثانا... وحقوقنا أكلت وحنا كبرنا
تكفون لبوا يا ملكنا ندانا... شف كم لنا في بيت اهلنا صبرنا
حنا عيالك يابو متعب عسانا... فدوتك ياغيم الحيا يا مطرنا
حنا نجدد كل يومٍ ولانا ...ودونك قسم بالله نقدح شررنا
لكن بعد الله نوجه رجانا... لحضرتك ياشمسنا يا قمر نا
الهم يحرقنا ويلعن ثوانا... وتهت بقاع البحر غالي دررنا
ياكم كتبنا بالرصاص وقرانا... وياكم تعنينا بليل وسهرنا
ورحنا نذاكر في بيوت اصدقانا... وجينا بقاعة درسنا واختبرنا
وجبنا معدل وارتفع مستوانا... وجبنا الوثايق وانبسطنا وصرنا
من عقبها ضاق الفضا مامدانا... نفرح بها الا بالزوايا انحصرنا
والله لو فينا دموعٍ بكانا... حتى من دموع المحاجر طفرنا
شفني انا علقت بنت اقصرانا... وكل يوم فالاخبار تنطر خبرنا
وزارة الخدمه تبيح خفانا... وكلٍ على الكرسي بعينه حقرنا
وربيعنا درات رحاه ورحانا... وطاحت زهوره لين طيّح زهرنا
والا لاجل محدٍ يوقف ورانا... ولافيه جسر الواسطه يختصرنا
بطاله وعاله ويسعد مسانا... حتى ياعاطل لو هذا قدرنا
تكفون لبوا يابو متعب ندانا... حقوقنا أكلت وحنا كبرنا
( صح لسانك )
