قصيدة (تعبت من ممشى على غير مشهاي..)

بسم الله الرحمن الرحيم

السلام عليكم ورحمه الله وبركاته

قصيده للشاعر بريك بن هادي المري

تعبت من ممشى على غير مشهـاي........وتعبت من صبر علـى غيـر غايـة

طاحت عزومي ليـن قلـت نوايـاي........وابعدت من مبـداي صـوب النهايـة

ماغير اهوجس واضرب الراي بالراي........واثـر المغربـل مايخلصـه رايــه

الوقت ذا هوهو بطبعـه وانـا ايـاي........انـا صـدوق وذا زمـان الدعـايـة

يالله ان تعاوني علـى كبـر بلـواي........ويالله ان تقدينـي طريـق الهـدايـة

اشكي من الماضي وخوفي من الجاي........ولـي فـي ملمـات الليالـي درايـة

لو كنت اعرف دواي ماخفت من داي........واخير مـن طـب الطبيـب الوقايـة

سبحان من يعـرف مقاسيـم دنيـاي........فـي صفحـة ماتنعـرض للقـرايـة

اليا غدى وقتي جـزوع مـن حكـاي........ادوي بهاجوسـي علـى كـل ايــة

واليا كسرني هاجسي صوب مركـاي........فايه جبرنـي نخـوة دموعـي ايـة

وان شفت همي مانقص من تشكواي........اخترت من نطـح الهمـوم القفايـة

وقت غدى كنه علـي اكبـر اعـداي........يفـرح علـي مجمعيـن الوشـايـة

صادمت صكات الزمن باول اصبـاي........وصادمت قد شيبي بـراس المرايـة

الين نبـات الارض غـارس ورواي........وشوك السلم ماخذ على اسمي وصاية

اعـد غلطاتـي واحسـب خطايـاي........لانـي بمـن قـل ولانــي بتـايـه

ايس وتيبس عقب ماايـس شفايـاي........وامل وبعـض امـال قلبـي غوايـة

لااسوم انا وجهـي ولاامـد يمنـاي........ثنتيـن تحسـب للمـذلـة بـدايـة

بالقـي همـوم الليـالـي مقـفـاي........لين اقلـب اخـر صفحـة للروايـة

برضى بمقسومي على طيـة رشـاي........لاعـاد لـي شـك ولالـي غوايـة

مالي جدى الا ونـة القلـب ودعـاي........وعنـايـة الله مـاوراهـا عنـايـة

بسكت وسري ساجنه فـي حنايـاي........اليـن تـروي المقبـلات الحكـايـة

مما راقـ لي

قصيده رائعه
صح لسان شاعرها
ويسلم يد ناقلها
وفقك الله

اقتباس:

---

المشاركة الأصلية كتبت بواسطة محمود عيد غبن البلوي

قصيده رائعه

صح لسان شاعرها
ويسلم يد ناقلها

وفقك الله

---

سلمك الله اخوي محمود ومشكور على تواجدك .............

صح لسانه
:|for you|::|for you|::|for you|:
شاعركبير
:|hart:|:|hart:|:|hart:|
وتسلم علي النقل
:|for you|::|for you|::|for you|: