للتواصل من قديمي ..
تساْل عن الحال وانت بحالتي تدري
ياقرب الناس يابعدهم عن عيونـي
سؤال واجابته في صفحتك بـدري
مافيه داعي تصحي غافي شجوني
ماتذكرالونة اللي جرهـا صـدري
يومنك اقفيت وانا قفـت ضعونـي
لحظات ماتنسي تطري علي تطري
في يقظة الفكر ولالحظة سكونـي
غبتي وغابت معك يا بسمة الفجري
بهجة حياتي وبقيت حرقة طعونـي
نزفت لك من وريدي حرفي العذري
على رجاويك حتى شابت لحونـي
مافج عتمة غيابك نورك السحـري
ضنيت بك خير لكن خابت ضنوني
والان عقب البطاء ياراعي الخدري
تطرح سؤالك علي وتقول وشلوني
الحال ماهو على خبرك ولاخبـري
ياطير وشذكرك لشـدو وغصونـي
معاد ياطيـر لاشيحـن ولاسـدري
الاصحاري ضماها يبـس شنونـي
العمر صرم ربيعه والزمن يجـري
عجلات الايام مايمشن على الهوني
قفلت بابي وتلقا خارجـه عذري
يكفيني اللي جمعت بخزنة ديونـي
..تحياتي للجميع..
