السلام عليكم ورحمة الله وبركاته
أخواتي أنا إنسانه ماأحب التشويــق في الطرح أحب الصدق في كل شي وطرحي هذا صادق بإذن الله وراح تتزوجون بعد هذا الموضوع يااخواتي الغير متزوجات أو المطلقات او الأرامل وكل شي بعد إذن الله ولانقول إلا إن شاء الله...
أول الموضوع كتبته لكم بعد ماسمعت محاضره اليوم للشيخ عبدالكريم المشيقح الله يجزاه خيـــر وراح اقولكم وش قــال فيهــا....وآخر الموضوع للأمانه منقــول من أحد المواقــع وسأبدى معكم ماأنوي أن أفعلــه بإذن الله بعد ماسمعت محاضرة الشيـــخ/
اليوم على قنـاة بداية شفت محاضره للشيخ المشيقــح ويتكلم عن عدم قبــول الله للدعـــاء على كثرة دعائنا .. اللي تدعي تتزوج واللي يدعي بوظيفــه وغيرهـا من الدعوات وقال كم بند لقبــول الدعــوه وقــال اللي يمشي عليهم راح تقبـل دعوته لامحـــاله وعشان تفهمون الخطوات بقولكم عن المرأه اللي كلمت الشيخ وقالت له/
ياشيخ أنا تزوجــت من شخــص إكتشفت انــه راعي سفــــر وبعد ان جامعني نقل اليّ مرض خطير(وللأمانه لم يذكر الشيخ انه الإيدز) لكن أكاد أجزم انه الإيدز لأنه قااال مرض خطير جداً وذهبو لكل بلدان العالم للعــلاج وصرفـــو مليون وخمس مائة ألف على العــلاج ولم ينفع معهم ولاأي علاج وقال لها الشيخ وش تبين مني؟؟
قالت له ياشيخ أبغاك تدعي لي ... قالها بعطيك خطوات استمري عليها وأنا وآثق انها راح تنفع معك
قال لهــا/
1_ خليك انتي وزوجك دائمــاً على طهــاره (يعني توضو لكل صلاة وإن احدثتو توضو وقبل النوم توضو)
2_لاتاكلون ولاتلبسون شي حرام خلو كل مأكلكم وملبسكم من مال حلال
3_تصدقو ولاتخبرو أحد >>>ومو لازم شي كثير لو خمسة ريـال تعطينهـا عامل نظافه بالشارع بس على شرط ماتقولين لأحد خلي هذا العمل شي بينك وبين ربك وللصدقه اشكــال ومنها الكلام الطيب بس ماأروعها عندما تخرج لمحتــاج
4_قالهم كررو من قول (لاإله إلا الله وحده لاشريك له لهُ الملك ولهُ الحمد وهو على كل شي قدير)وقول(لاإله إلا أنت سبحانك إني كُــنت من الظالمين)
5_إبتعدو عن المعاصي من سماع اغاني اورؤية محرمــات حتى لو انتم تحبونهــا بس جاهدو أنفسكم وقولو (يــارب إننا نحب هذا الشيء لكن تركناه لأجلك)
وقالهـــا بهذي الخطوات تكونون تقربتو من الله كثيـــراً حينهــــا أدعوه بالشفــــــــاء لكم .....
يقول بعد يومين اتصلت عليّ قالت لي ياشيخ أنا مرررررره مرتاحه نفسيتي وحسيت اني قريبه جدا من الله قالهـــا استمري .... حلف وأقسم الشيخ ان بعد خمس أيــام اتصلت عليه وقالت ياشيخ توي جايه من الدكتوره أنا وزوجــــي وقالـــت الدكتوره انتم سليمين ونسبة المرض عندكم 0% مع انه كــان خطير وخطير جداً
والله ياناس اني كدت ابكي عند سماع القصـــه شايفين ربنا كيف قريب منــا ويجيب الدعوات بسرعه وحنــا مو فاضيين كل همنــا الأغاني والشتم والغيبه والنميمــــه والأكل بأعراض الناس
وفيه ملاحظــه مهمــه/
أتمنــى من اللي يسوي الخطوات تكون نيته لله سبحـانه وتعالى يعني مايسويها عشان يتزوج وأول مايتزوج ينســى ربـه لاااااااااااااا انتم سوو هذي الخطوات لمرضاة الله وبعد ماتتقربون منه ادعو الله بااللي تحبونــــه والله ياجماعة الخير ان الشيخ حلف وأقسم ان من يمشي بالخطوات بحذافيرهـــا راح يتقبل الله دعوتــــه وسريعـــاً بس انتم لاتقنطون من رحمــة الله ولاتنسون ان الله يستحي من عبدة اللحوح يعني ألحــو بالدعاء لله بالستر والعفــــاف وبإذن الله يحقق لكم اللي تبـــونه
وياليتكم كمــان ماتنسون الدعاء في كل وقت وأهم شي المغرب والفجــــر ولاتنسون الإستغفـــــار والله ان فضله عظيـــــــــــم ومن أسباب قبول الدعــــوه
ياناس راح آخذ وعد على نفسي واللي يبي معــاي الله يحييه والوعد هو التالــي/
راح ابتعد عن المنكرات والمعاصي وراح اتبع خطوات الشيخ لمرضـــاة الله أولاً وأقسم باالله ان نيتي هي لله وإبتغاء رضوانه ثم سأدعو لي ولجميع المسلمين وأن لاأتوقـــف بالتقرب الى الله حتى وإن تحقق ماأطلبــــه.
أتمنــى أن فيه أحد يقول هذا الوعد معـــاي ويدعو الله بااللي يبيــه وإذا تحقق له دعائه أتمنى إنه مايبخــل علينــا ويقوله لنــا عشان بعض النـــاس ماتصدق الا لما تشوف أو تسمــع
ولعلمكم الشيخ يقول قلت هذي الطريقـه لنااااااااااااااااس كثــار والله استجــاب لهم يعني مو بس الحرمه وزوجها المريضيــن
من لم يصدق ماقلته أرجو منه ان يتابع محاضرة الشيخ عبدالكريم المشيقح بعنوان (محبة الله) على قنــاة بدايه وهي تعـــاد مراراً وتكراراً.....
منقول للفائده
