البارحه يالابتي سريت = سجيت رجلي بالخلا الخالي
كني عن الهاجوس مادريت = من الطرب الاعب اظلالي
وش عاد لو بالنبا طليت =امسيت راس المرقب العالي
كني هبيلا شاربا شربيت = والناس ماتشرب بفنجالي
ياليتني ماقلت انا ياليت =ولا جاني الي يشرح البالي
مشى عني وانا عنه مشيت = حطيت من دونه حدب عالي
ماهو من الحيين ولا هو ميت = وانا نفعته باشهب الالي
ماحد سمعني يوم انا ونيت = ادرجتها من حالي بحالي
ياما ياما عن الملا دسيت = مايدري الاول مع التالي
اقول هذا الوقت به تشتيت = مخلوط فيه المر والحالي
يدي على قلبي مولع ليت =يزعل علي واحدن غالي
اللغز قافي ثبته تثبيت = مايحله راعي القيل والقالي
اول ليله يسري ثم يبيت = يبرك على البيدا به عقالي
ولا انطلق افوته تفويت = اطش مفهومه في الجالي
الضيقه جتني من ذوي فليت = علاجها يكلف المالي
عاتبت نفسي كيف انا سويت = لامهاوشن عمي ولا خالي
ربعي بلي اهل الوفا والصيت = مقدمين المر والحالي
هيلن وبنن في ربوع البيت =ضيفوهم يفرش لها زلالي
