قصيدة الشاعر / يوسف بن جار الله الثقفي ، في رثاء محمود سالم العصباني رحمه الله

بسم الله الرحمن الرحيم

هذه القصيدة للشاعر يوسف بن جار الله الثقفي يرثي فيها
محمود سالم العصباني رحمه الله


http://www.albluwe.com/mlffat/files/9535.jpg








يالله أنا طالبك يا حامي البيت = جعل المزون على ضريجه تهاما
يوما بعد يوما ودورا وياليت = عاما بعد عاما وعاما وعاما
واغسله بالما والبرد بعد هليت = وبل السحاب اللي عليه ايتراما
واقبل دعا الداعي ومابه تدعويت = والق على روحه تحيه وسلاما
مرحوم يامرحوم ياكامل الصيت = يالله عساه المغفره والرحاما
جانا الخبر وجلست وواقف ولفيت = حتى عيوني عن طريقي تعاما
يالخطب لوانك علينا ادلهميت = وان العيون من الخبر ما تناما
عساك تعلم وش خواتمه وادريت = الله كم كبر وصلى وصـــاما
وما تدري أنه كان من زايري البيت = ما بين زمزم واقفا والمقاما
يالجسم من زمزم ومايه ترويت = وطابع على جسمه خيوط الاحراما
وكلا شهد لك يالوفي بعد ما اقفيت = شهادة تحفظ ليوم القياما
عز الله أني بالحضور أطمأنيت = يدعون شيبانا وشب وغلاما
على المكارم والشريعه تنشيت = لأجله جزاك الله بحسن الختاما
يابو شهد يا عزوة الحي والميت = يالمعتنز يالمحتسب ياالاماما
سميت محمودا ومن يوم سميت = جعله كما جده صليب العظاما
يا عارفا دربك ليامن تخطيت = ساير على نهج العرب والنظاما
ماني موصيكم ولو كان وصيت = فيه أولويات وتلزم لزاما
وسلام ياللي على المراجل تربيت = ما مات من خلف رجالا نشاما

الله يرحمه ويجعل مثواه الجنة
قصيدة محزنة ورائعة
صح السانه وماقصر !!

الله يرحمه ويجعل مثواه الجنه
وصح اللسان الشاعر / يوسف الثقفي
وقصيدة جميله ورائعه
يعطيك العافيه ابوحمد

الله يرحم الفقيد ويتغمده برحمته
وماقصر الشاعر الثقفي

الله يرحمة

تغمد الله الفقيد بواسع رحمته واسكنه فسيح جناته ....
وصح لسان الشاعر ومشكور أبوحمد على هالنقل .............