ياصاحبي ، ياغايتي ، يامرامي
يافرحتي ، يامهجتي ، واجمل سنين
ياعاشقي ، يامّعَذّبي ، ياغرامي
ياسلوة الخاطر ، وياقرة العين
ياروح روحي ، يالغلا ، ياهيامي
ياموج بحر الحـُـب ، ياكامل الزين
وش حيلة أللي ، من عنا البعد ضامي !!
وش حيلته ،، لاصار يشكي من البين !!
الحـُـب معنى ، والهدف فيه سامي
والعيب فيه !،، الجرح ، يحسب بجرحين
وأكبر دليل أللحين ،، يثبت كلامي ؟؟
أني أحبك ،، والصدر فيه رمحين !!
رمح التمادي ،، مع تجاهل سلامي
ورمح الهجر ،، وأنتي أبد ماتحسين !!
لأني كذا ،، ماحب أكون أنهزامي
ياما سعيت لوصـّـلنا ، وأنتي تدرين
أنا أكتشفت أنه ، ماهمك خصامي !!
أنا أكتشفت أنك ،، في حـُـبي تـّـسلين !!
ياللي خسرتي ، لهفتي وأهتمامي
مثلي ،، وربي ماتلاقين ،، تبطين
واضح ،، ودايم وافي(ن) ، في ألتزامي
وأنتي كذا فالحـُـب ،، دايم تخونين
القوس في يَــدّي ،، وأنا أللحين رامي
وأبيك من ماذقت ، منـّـكّ ،، تذوقين
ياشدتي ،، ياكربتي ،، ياظلامي
ياصرختي ،، يامال فرقاك ، ياشين
ياسبة جروحي ،، وحزني ، وآلامي
يالذّ أعدائي ،، وياجرح سكين
كذا الفراق أللحين ،، أصبح نظامي
وحده بوحده ،، وأفترق فيها قلبين
وسلامتكم
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘
