قصيدة اهداء للشيخ الايداء الذي اعتق رقاب قاتلي ابنه من شاعر الحمر
يامرحبا والتحيه منبع الاحترام = الصدق نبراسها والطيب قانونها
باسم بلي كلها تقدير لهل المقام = يسبق نبآها فناجيلا يسوقونها
تبوك نور سماها في قدوم الكرام = حيا الله اللي ليا صعبت يحلونها
مثل النجوم العوالي ما حجبها ظلام = اللي على الكوكب الأرضي يشوفونها
يديان في مدحهم يطيب جزل الكلام = شيوخ جزل القصايد يستحقونها
عبدا لعزيز المراجل قلدته الوسام = القوم لاهاجت أمواجه يهابونها
اعتق أرقاب اليتامى من السيوف الحسام = لو هي صعيبه على اليديان ياهونها
بدري على اهل الملامه يلحقونه ملام = يقدر الطايله ماجاك من دونها
الوايلي تقتدي فيه الرجال الحشام = عزومهم من شموخه يستمدونها
وسلطان شبل الأسد وقت الشدايد حزام = وقفاته بحلها ربعه يعرفونها
يطوي حبال القضايا الكايده طي خام = كل الصعايب هل الهقوات يطوونها
موردين الاصايل في نهار الزحام = هاماتهم ما انحنت للقاع بمتونها
يديان مثل السيوف اللي تقص العظام = الطايله في هقاويهم يطولونها
خزامة الفيصل للأمجاد ذروة سنام = شيوخ تزهاهم الشيخه ويزهونها
عيال وايل عيال وايل جارهم ما يضام = الجار دونه حياض الموت يردونها
تطيح وإلا تطير مع الهبايب خيام = بيوتهم شامخه ما طاحت اركونها
تحية القدر والتقدير مسك الختام = اللي مع العود الأزرق يستحقونها
رد: قصيدة اهداء للشيخ الايداء الذي اعتق رقاب قاتلي ابنه من شاعر الحمر
يستاهل العليا والله كفو وبارك الله فيه
وصح لسانك
رد: قصيدة للشيخ الايداء الذي اعتق رقاب قاتلي ابنه من شاعر الحمر
اخي اشكرك على مشاعرك ومروك العطر وهذه القصيده القيتها بالمحفل
رد: قصيدة للشيخ الايداء الذي اعتق رقاب قاتلي ابنه من شاعر الحمر
صح السانه شاعرنا الكبير
والله يجزي الشيخ عبدالعزيز كل خير
رد: قصيدة للشيخ الايداء الذي اعتق رقاب قاتلي ابنه من شاعر الحمر
صح لسانك وبيض الله وجهك يا ابو مشاري
جزل الكلام ومنبع الفكر وابيات وقعها كالحسام
ابيات صغتها كسبائك الذهب لله درك من شاعر
كثر الله من امثالك من شعراء القبيلة الذين يرفعون هامت قبيلتهم ورجالها
لك مني كل مودة واحترام
رد: قصيدة للشيخ الايداء الذي اعتق رقاب قاتلي ابنه من شاعر الحمر
لا فض فوك
الله يجزاه كل خير
