نويت البارحه نيت سفر فيها عنى مقصود ** على ذيك الديار اللي بها الخلان مشتاقه
عسى فيها سحاباً يمطر الما والبرد مشدود ** وينبت من نداها ورد مزهواً بذواقه
الآ يا دار مسكونه سكـنتي في فــواد العود ** الى منه ذكركي يحتزم والجمس سواقه
من حـدود المدينه نيتـه ذاك البلـد والطـود ** الى واد القرى يبغى يسلي لمت افراقه
سري قبل المسا يبغى يروم الطايله بحـدود ** وانا اشهد له شهادة حق بالدنيا ورى احداقه
على مابالمـواقف للـوازم وقتـهـا المصيـود ** من حضوراً لمن هو للمراجل يجمع اوراقه
عرفتـه ينقـد الفعـل المسوى للرجـل مـنقـود ** ولا يجبر خصيم المعترف يشكيله اعتاقه
يبعد ذيك ويقـرب ذيك فآخـر وقتـه المشهود ** يدور للخلآ مسرى يدور جرت الناقه
ترى علم القدر في ها المنايا مايجي مردود ** جعله المعترف للواحد الديان باعماقه
انا بام الجمـاجم يـوم خـبرني فتى بـه جـود ** يسايسني على علم القدر وان فيه ما طاقه
تجي وتروح نبراته عسى علمك يجيب الفود ** لا كنه يغتصب ماقال كلمه تحمله ساقه
قبل هاذي حضني وانت تنشدني عن المهدود ** الى مني ذكرت الروح والحضنين بلصاقه
لا كـن المنيه حلـته قبـل ينشـد عن المـنشود ** ويا خذ له سمياً بالعرب معروف دراقه
وآخرها عرفت العلم وان فيها قضى المعبود ** عساه بجنة الفردوس يدخلها بلا عاقه
