مرثية الشاعر ضيف الله صالح العنزي بالشيخ محمد بن نهار أبوشامه
بسم الله الرحمن الرحيم
هذه القصيـدة قالها الشاعر ضيف الله بن صالح فرحان العنزي يرثي فيها المرحوم الشيخ محمد بن نهار بن جويعد أبوشامه رحمه الله
لاعدت ياعلم ٍ لفا بأول العيد=علم ٍ فجع روجي وفجـّر اعبرها
زلزل صفا عيدي وزدت التناهيد=والنار في قلبي وكبدي سجرها
والحزن بدت له عليّـه شواهيد=وعفت الكرى عيني تزايد سهرها
من يوم جاني علم نسل الاماجيد=يوم اصطفاه الله إبغرّة شهرها
بيوم ٍ به أنرد التهاليل ترديد=عيد الفطر جتنا وفاته خبرها
مرحوم ياللي ماكسبت المناقيد=وروحك عسى ربي يسهّل سفرها
والله إيشيـّـد منزلك خير تشييد=وجنـة عدن تنعم بلذة نهرها
ويعطيك ربي فوق ماكنت وتريد=منازلك عسى بعالي إحجرها
والله يابو حسين لو كان بالأيد=إنك عيوني ماتفارق نظرها
لاشك عمر الآدمي له تحاديد=ومقدّر الآجال خالق بحرها
مرحوم يالي يوم دور البواريد=إديارهم ماحدٍ يقرب إنقرها
يوم إنـها عند امهات المفاريد=من دون ذيك الوضح ينثر حمرها
إليا اعتزت بارجالها زينة الغيد=جتك العيال اللي تقادح شررها
جوك الشواما والنعم بالصناديد=يادار الهيجا وهلّت مطرها
عدوهم ياما تجرّع مقاصيد=بفعول من يردون غبت خطرها
صيداتهم دايم إخيار الاواليد=من كف من عن الخطر ماقصرها
اليا اقبلوا على الأصايل عراجيد=ياويل ذاك اليوم من في نحرها
وبيوتهم للضيف تزمي كما الحيد=تكرم بوقت الجوع ضيفٍ خطرها
نالوا فخرها يوم قل المواريد=يوم السنين الشهب نالوا فخرها
اقولها وعندي على القول تاكيد=مكارمك بالطيب حنا انخبرها
الضيف عندك مايحس الملاهيد=ويقلط على حايل عريض ٍ فقرها
إسمك مخلد مع هل الطيب تخليد=ويبقى على طول السنين ودهرها
من يدرك الطولات نال التماجيد=وكلٍ يشيد ابسيرته لاذكرها
وصلوا عدد ماغرّد الطير تغريد=على محمد عد ماثمر شجرها
رد: مرثية الشاعر ضيف الله صالح العنزي بالشيخ محمد بن نهار أبوشامه
صح لسان الشاعر والله يرحم ابوحسين ويسكنه فسيح جناته
ويعطيك العافيه يا(ابوشامه)
رد: مرثية الشاعر ضيف الله صالح العنزي بالشيخ محمد بن نهار أبوشامه
الله يرحم ابو حسين. ويسكنه الفردوس الا أعلا من الجنه. وصح السان الشاعر.
ونعم في ابنا ء العم الشوما.
رد: مرثية الشاعر ضيف الله صالح العنزي بالشيخ محمد بن نهار أبوشامه
الله يرحم ابوحسين ويسكنه فسيح جناته
وصح لسان الشاعر على هالأبيات...........
رد: مرثية الشاعر ضيف الله صالح العنزي بالشيخ محمد بن نهار أبوشامه
صح لسان الشاعر /ضيف الله بن صالح فرحان العنزي
وأسال الله بأن يرحم الشيخ /محمد بن نهار بن جويعد أبوشامه
رحمه الله ورحم جميع المسلمين
يعطيك العافية ومشكور على القصيدة ...