اكبر جريمه في جميع القوانين × بفجر هذا اليوم وسط المدينه

يالله دخيلك عن سوات المجانين=يارب عم اقلوبنا بالسكينه
اكبرجريمه في جميع القوانين=بفجر هذا اليوم وسط المدينه
رجل نحر زوجته نحر البعارين=واصغر طفل مذعور ينظر بعينه
ماصدق اللي صار لوشاف بالعين=مقطع حقيقي صوره والدينه
يجاوب اصياحه شخير الشرايين=ودم الحنونه بالقميص وجبينه
مات الحنان اللي كنف فيه عامين=طغى الامان اللي يشد بيدينه
هالحين وش ذنب الصغار المساكين=الام ماتت والابو ساجنينه
غير الفجيعه يتم والمنظر الشين=غير الليال المقبلات الحزينه
الرجل هذا من اي كوكب ومن وين=الرجل هذا ويش وضعه ودينه
واللاالشراب اسكار والاكل هروين=انتم نشدتم عنه يامزوجينه
انتم سألتم عن سجاياه والدين=واهليته والطبع زينه وشينه
مايرخص العورات غير الرديين=البنت تبقى عند اهلها ثمينه
امانتأً برقابكم يامسلمين=منكم الى رجل العرب عارفينه

صح السانك
ابيات رائعة
شكراً لك