قصيدة للشاعر بشير عرابي البلوي وهي عباره عن نصيحة
قصيدة للشاعر بشير عرابي البلوي وهي عباره عن نصيحة
سلمان ترى النوم ومماشي الأنذال= يرَث عليكم يالسنافي معيره
النوم ساس اللوم من ماضي الأجيال=ومن رافق الجربى يسير إمسيره
وضول العرب شره لحق ببن هذال=وعقب نصيحة للوجيه السفيره
ومن لاستشارك لاتعنَاه بالحال=ومن لايودك صد لاتستشيره
الرجل له ست ملازيم تنقال=مواقفنً ماتنتوصف بغيره
أولهن التقوى وتحسين الأعمال=ودينك تفكك عن لهيب السعيره
والثانية وصل الرحم عنه تنسال=للوالدين حقوق عندك كبيرة
والثالثة تدمح خطى الجار لوعال=وتجعل خطاياه الكبيره صغيره
يابدْ مايقفي عن الدار رحال=مثل المهادي يوم يرحل قصيره
والرابعة ضيفك زيَن له البال=ترى الحجاج الزين يبهج ظميره
قدمله الميسور مع حسن الأقبال=وكثربه الترحيب عند تحضيره
والخامسة حق الخوي عنه تنسال= أكمل حقوقه لين ياصل مسيره
والسادسة خلك صبور وحمال=والصبر عند المواقيف خيره
الست يشهر للرجل فيهن أفعال=والطيب بيبانه تراها كثيره
أرفع مقامك لا تراعي للأسفال=ترى الفتى ملزوم ينظر عشيره
ربع الرخاء يارص راسك على الجال=يقفون وأنته طايحٍ بالجريره
لا ترافق إلا كل طيب ومدهال=ياقف معك وقت الأمور العسيره
زحزيح ماينزاح حلال الأشكال=يرسي لصعبات الليالي الخطيره
أرفع مقامك يالفتى وأنت رجال=مع الرجال اللي علومه شهيره
أحفظ لسانك عن رهو هرج وجدال=الثرثره للي يديهم قصيره
خلك بعيد الغيب للحمل شيال=صندوق مسكٍ تحتفظ بالذخيره
ألا ياصالة رجال على رجال= ودنت أطبول الحرب وأعلن نذيره
أقدم على الصابور لا يقالك ذال=وآمن بعلام الخفى والسريره
صلوا عدد ماهل بالقاع همال=على الرسول اللي تبعنا مسيره
رد: قصيدة للشاعر بشير عرابي البلوي وهي عباره عن نصيحة
رد: قصيدة للشاعر بشير عرابي البلوي وهي عباره عن نصيحة
اقتباس:
المشاركة الأصلية كتبت بواسطة مرآم
للتعديل
سلطان ترى النوم ومماشي الأنذال ***يرث عليكم يالسنافي معيرة
