((قصيده ثمينه))
يابنـت قـلبي من ســبايبك محـــروق
**************مكـذبتـنـي قــربي وافـحـصـينه
حطي بنانك من على الصدر من فوق
**************حسـيه ناشف من عناه وحنينه
يافـاتـنـتـني فـاتـنـت كـــل مـخـــلـوق
*************بارسمك صوره في قصيده ثمينه
الشــعر الاشـقر فـوق الارداف مفروق
*************شـمس اشرقت لولا بروده ولينه
اسـتـغـفـر الله مالـمســته مـن الزوق
**************لكن اشـوفه والبشـر شـايفينه
ياحـض طـوقك ليتني مـوقـع الطـــوق
************من زين شعرك ياخذ الطـوق زينه
ومن بين شعرك والحواجب ضياء بروق
*************لاشافها راع الهـواء حـك عـينه
وحواجبك قوسـين ســودن لهن لــوق
*************ورموشكي مثل الرماح السـنينه
في وسـطهن عينين مــذبوبة المــوق
*************وســاع نعـسانات دايـم حـــزينه
وخـدود ورديـه كـما الــورد با الســوق
************مـزروع زينه في حـياض المـدينه
ومـن غيـر هـذا شفـتين(ن) لـهن ذوق
************في وسـطهن بيـض الثـنايا دفـينه
ولااني موصـف باقي الشكل منسـوق
*************خلي على النفس الشقيه سكينه
مـربـوعــة(ن) لاطــول لاقـصـر لاعـــوق
***********ولانـتي نحـيفة(ن) ولانتي مـتـينه
قالـون قـبلي كـل مـطـرود مـلـحـــــوق
************لكن طـردك مـثل طـرد السـفـينـه
سعيد مشحن الوابصي البلوي
