][®][^][®][مختارات من الشعر الشعبي ][®][^][®][
الأخـوة والاخوات محـبـى الشعـر الشعـبي ...
السـلام عـليـكم ورحـمـة الله وبـركاتـه ..
أحببت أن أقدم لكم مختارات من الشعر الشعبي الجميل
وكل من أحب أن يضيف قصيده شعبيه ..
ليكون مرجع يشمل الكثير من الاشعار الجميله وذكر كاتب القصيده ..
وها أنا ابدى لكم بعدة قصائد أتمنى أن تنال شئ من محبي الشعر الشعبي ..
قـصـيدة بعنـوان : الخـط العـريـض - للشـاعــر الكـبيــر حبيـّب العـازمـي ...
كتبت السر بالخط العريض وقلت انا مجروح=وكنك ماقريت ولا خطر علمي على بالك
يـك تخـفـف الاهــات وتعـالـج جــروح الــروح=وتـروف بحـال مـن يـدري قبـل حالـه علـى حـالـك
قبل تـدري عـن القصـه تـرى عنـك الخطـاء مطـروح=وعقـب انـك دريـت اليـوم سـو اللـي يــورى لــك
انـا حظـي كـذا وانتـه عـن اللـي تعمـلـه مسـمـوح=ولـكـن انــك تـاكـد ماعطـيـت النـيـه الا لـــك
ولـن فكـرت او قـررت كـل اللـي يصـيـر مــزوح=انـا اقـول الـك جـد وجــد والعـكـس يتهـيـا لــك
اباكـد لـك وتـكـد لــك عـيـون بالـدمـوح تـفـوح=وفكـر حـافـظ صـورتـك فــي حـلـك وترحـالـك
وقلـب كـن فـي جوفـه صـدى صـوت الحمـام ينـوح=طلـع مضـرب مثـل تضـرب بـه الامـثـال لامثـالـك
دخلـت القـلـب وحــدك باعتـبـاره مـنـزل مفـتـوح=عسـى الله مايـكـدر نزلـتـك فــي وســط منـزالـك
ولـن بشرتنـي بمواجـهـك عـشـت بسـعـد وفــروح=ولن بشرتني بفراق فال الله ولا فالك
كتبت السر بالخط العريض وقلت انا مجروح=وكنك ماقريت ولا خطر علمي علـى بالـك
عليك الفرج يا اللـّـه - للشـاعـر المعــروف سـلطـان الهـاجــري
الا يارفيقـي والله انـه عـداك الـلـوم=انا اللي علي اللوم فـي ذمتـي ذمـه
ولكن سامحني ترى العلـم فيـه علـوم=ولا يفـرح اللـي بيننـا ينقـل النمـه
حصل ماحصل والعبد يصبر على المقسوم=يدور الزمان ويخلف العـزم والهمـه
طرات الرجل لا لحقه من الزمان همـوم=ما يدري بسده كود خيرة بنـي عمـه
وسيع البنايد في الشدايد قـوي عـزوم=لعظك زمانك شال همّـك مـع همّـه
وانا والله انـي ماتهنـى بحلـو النـوم=ورفيقي عليه همـوم الايـام ملتمـه
اشيل الحمل منه واحطّـه علـي واقـوم=مقام يورد مظمي المـا علـى الجمّـه
لكن الزمان الشين ظالـم وانـا مظلـوم=على الهون ياللي تمدح الوقت وتذمـه
تهب الهبايب والسفن في البحـور تعـوم=وتقفي بها صلف الهبايب عـن اليمـه
هبوب تصلفقها وبحـر وسمـا ونجـوم=ومـوج تقفـاه العواصيـف وتـزمـه
عليك الفرج ياالله ياحي ياقيّوم=إلهٍ عباده كلهـا تلفـت يمّـه
قصيدة الشاعر الشيخ حمد بن سعود ال ثاني
نطحني مع زوج المها قايدللخـود =كما عنز ريم تقهر الصيد والتـــلـه
لــها مطلــع يبهر جمــاله بدون حدود=شعوري عجز مايصد الحدث من جلـــه
رماني بسود سهمها للملا مرصود =إذا سلهمت عقب النظر ترث العلـــــه
أسلي فؤادي بالتماني وأنا موعود=بليل الغرام أقاسي الوجد ومـلـــــــه
أعيش بأمل واقول حبل الرجا ممدود=وأنا أخاف حد اليأس يقطعه ويحلـــه
جروح المحبة خافيه والهوى مشهود=عليه العواطف تسخر القلب وتذلـــــه
أناكيف بصبر وتحــمل حياة الكـــود =وأنا جرح قلبي صانع الطب مادلــــه
أجامل وأنا ما شفت وقت العنى به فود=بدا النقص في حالي وصبري نفذ كلـــه
ا نا ماذبحني كود سحر العيون السود=مع قذلةٍ فـوق الحجاجيـن منهـلـه
تمكن صوابي يوم عرض نحيل العود=سلب مهجتي واستاسر القلب واحتله
http://www.g11g.net/uploader/pic/efer.gif
اتـرك الشــكــة - للشــاعــر الــرائـــع عبـد العـزيــز بن راشـــد الغنــامـي
ولو داهمتك الشكوك وجات مصتّكـه=ضيّـف حبيبـك عليهـا لا تضيّفهـا
سوّيت لك وسط قلبي يالغضـي دكّـه=ودّكتك في وسط قلبي مـاقدر اوصفها
بـاب الغـلا بيننـا ياصاحبـي فكّـه=والحب عمله وانـا وانتـه نصرّفهـا
صدري ليا شفت زولـك ودّي آحكّـه=أحس فـالصدر حاجه بس مـاعرفها ؟
من كثر مافيك افكّـر صابنـي تكّـه=والنفـس يلعـب بهـا كثـرة تكلّفهـا
ودّي معك لو نحط اكّـه علـى أكـه=وكلمـة محبّـه لـخلـق الله نعرّفهـا
ابا اطلـب الله وانـا مستقبـل ٍ مكـه=مبعث محمّـد عسـى ربّـي يشرّفهـا
يانور عيني معي لا يلحقك شكّه=محبّتك في طريقي صعب اخالفها
لشك كبش الفدا وان شفتني ذكّه=لاترتخي لالشكوك العن طوايفها
