رديه بين الشاعرين ابووجدان وعطالله

رد على قصيده الشاعر عطالله الصريبطي

الله على بيض النوايا يحيك
.............. ياشاعراً جاب الدرر من بحوره
يصرف معاني وافيه كنها شيك
.............. ويقطف من الأشعار أجمل زهوره
رجلاً على العليا علومه تسليك
.............. ون عميت الابصار تاخذ بشوره
رجلاً على نفسه بطيبه يبديك
.............. إن صار صكات الزمن فيـه دوره
وتبغى الحقيقه من لساناً يحاكيك
.............. أنك ذخر ياصاحبي في الضروره


رد على قصيدت الشاعر ابووجدان العامري

ومن بعدها ما فيه شك وتشكيك ...على النقاء والعز كل بدوره

ياللي بدعت معقدات الشرابيك...رسمتها من هاجس الشعر صوره

جتني بيوت وافيات محابيك...من صاحب لو غاب يثبت حضوره

دايم على الطاله عزومه تخاويك...يمناه للعليا مشيد قصوره

هذاك ابووجدان وبأسمه يكفيك...راع العلوم الغانمه في ظهوره

رد على قصيدت الشاعر عطالله الصريبطي

وأنــتم بعد والنعم ياطيب الشــان
..................... صــرابطــه أفــعــال أول وتـــالــــــي
يوم الحروب الاوله سيف وحصــــان
.......... ,,,,,,,,,,,,,,...عدوكـــم ماعــاد يلــقـــى مجـــالي
أما وقع في الاسر ولا لـكـــــم دان
............................ ولا تعـــشته الســـباع الــخــوالـي
فيكم كرم مع طيب مع قلب شجعان
.............................. والرجل يقدم للخــــطــر مايـبـــالــي
وأيضاً تجازو طيب الفـــعل بحسـان
................................ يلقــى الشحم والهيل وسط الدلالي
وأنتم كما شمساً الى نورها بــان
................................. حـقــيـقــة ماعـاد تقــبل جـــدالـي
والعذر كان العلم جا فيه نقصـــان
.......................... لاني عجزت احصي جميع الخصالي

صح لسانك عطالله الصريبطي

ولسان ابو وجدان على هالدرر

والله وسبعة انعام بالصرابطه اهل النخوه والشجاعه والكرم

صح لسانك يابو عطالله وصح لسان ابو وجدان

ابدعتو قصايد رايعه بدع ورد بيض الله وجيهكم شعراء مميزين

ونعم بالصرابطه والله وعشرة انعام في اهل الشجاعه والكرم

لكم تحياتي وتقديري

مشكوووررر وصحت ألسنة الشعراء..................