لاتجالس بالمجالس ناس مافيها خَجَلْ

لاتجالس بالمجالس ناس مافيها خَجَلْ=لاتقول الكلمه اللي مايشرِّف قولَهَا
بعضهم فِعله سوالف بعضهم قوله فَعَلْ=بعضهم صان المجالس باحترام عقولَهَا
لاتذوق لخبز خاين سِمّ مدسوس بعَسَلْ=نفس خانت للأمانه قِدْ تعيد فعولَهَا
اللي زعَّل والدينَه لاتخاوي لو زَعَلْ=وش تبي بَه مزعل أمَّه بدال بوس رجولَهَا
لاترافق للبخيل وللّي في نفسَه خَلَلْ=عمرها روس الذيابَه ماسبقتها ذيولَهَا
لاتصادق للمنافق مهما بالدنيا حَصَلْ=الصّداقَه فينا وادي والظروف سيولَهَا
إمَّا تسقي للصّداقه وفينا يزداد الأمَلْ=والا تمسح في البوادي حَتَّى ركض خيولَهَا
ودّي يبقى من قصيدي بالصّداقَه لو مَثَلْ=بالفواكه فيها مُرّ(ن) بس يجذب زولَهَا

خالد البلوي

لاتجالس بالمجالس ناس مافيها خجل,,,,, صح لسانك ياخالد يامبدع

صح السانك اخوي خالد
صدقت بالحيل...

اقتباس:

---

المشاركة الأصلية كتبت بواسطة علي فالح الرقيقيص

لاتجالس بالمجالس ناس مافيها خجل,,,,, صح لسانك ياخالد يامبدع

---

صح بدنك اخوي الغاااااالي علي الرقيقيص


وحرفي قيمته الحقيقي عندما يلامس مشاعركم




:|for you|:

ودي و تقديري

أبو ريما

صح لسانك على هـ القصيده الرائعه جداً

جلست اقراها اكثر من مره

وتقبل خالص ودي وتقديري

هلا وغلا / ابو ريما

رحم الله والدك وأدخله الفردوس الأعلى من الجنة

ورزقك بر والديك وحفظ الله والدتك وأمدها بالصحة والعافية

ماشاء الله قصيدة تروي قارئها

سلمت يمينك