قصيدة محزنة لفراق الحبيب..؟؟

قصيدة محزنة لفراق الحبيب..؟؟

خلي هجرني تكفى ياموت زرني..وإن ماقدرة دلني مكانك وأنا أجيك
مآبـــي حياتــي دام خلي هجرنــــي..مآبي حياتي دامه يقول ماأبيـــك

إيه يدري يدري بظلم الناس وظلمني..وأكد كلام اللي يقولـون ناسيك
لكن قبل لا تأخذ الروح يا موت مني..بسأل حبيبي كم سؤال وأخاويك

وشلون قلبك يا حبيب تركني؟؟ ..وتدري خفوقي كم له سنين هاويــــك
وما تدري بعادك وصدك ذبحني..وماتدري عن دمعاً نثرته وأنا أبكيك

اسأل جميع الناس وش صار عني..اسأل وش صار في حال مغليـــك
لوعاش عاقــــل عيشتي كان جنــــي..حالي لو تشوفه بعينك يبكيــــك

لوعلموك وش كثر قهري وحزني..من يوم حبي انتهى وصار ماضيك
لو علموك عن قلبي اللي يوني..مطعون يصــرخ يشتكيـــلـك يناجيــــك

صار الحزن هو لعبتي صار فني..ابكـي نــدم والله لا حل طـــاريــــك
ضيقة صدر ويا الهموم اسكنتني ..أحكي وأكمل وإلا ماقلت يكفيك؟؟!!

اللي سمعته بسبتك انت جتني..عطيتني كرهــك وأنــا الحب معطيـــك
ضـاعت السنين وأنا ابني الحب قصور وانهدت..بسبب فعلت يديـــــك

جاك الوفاء والحب والعشق حتى الولــــه والشوق والصدق مهديـــــك
قلبــــــي وفاء لك وأنت قلبك خدعنـــــي.خدع قلبا كان بالحب شاريـك

بكذب وخيانة وغدر قلبك حضني..في وقت قلبي فيه يسهـر يداريــــك
ما كنت اظن قصدك بحبك تذلنــي..ذليتني من عقب ما مت أنا فيـــــك

هاذي حقيقة بعض مامنك جتني..وبعض الذي اسقيتني سم بيديــــــــك
ما كنت ساكت خايفا بس لاني..ميت بحبك ما أقدر أزعلك واشقيـــــك

حرمت أقولك من محبتك عطني..مادام غيري في محبتك مرضيـــــك
ببعد بعيد وأوعــــدك ما أحنـــي..ابشر بابعدي ومع حبيبـــك بخليــــك

وابــــي مماتـــي يأخذ الروح منــي..تاركلك الدنيـــا بها الله يهنيــــــك
وإليـــــا سأل في يوم إنســــــان عني..قله توفى والسبب طعن بيديــك

ودمتم بحفظ الله
تحيات
ماجد البلوي