قصيدة أول اقول الموت فيني ولا فيك..؟؟

قصيدة أول اقول الموت فيني ولا فيك..؟؟

أول أقول المـوت فينـي ولافيـك
واليوم جعل الموت ياخـذ حياتـك

دامك تبيع انسان بالكـون شاريـك
موتك ولاتوهـم لغيـري صفاتـك

فيني مشاعر كل ماانساك تطريـك
تلعن وفاهـا يـوم لاقـت رداتـك

وقف دقايق واذكر اللـي يواسيـك
جفف دموعك قبل تاصـل شفاتـك

تذكر تجيني تبكي الظلـم وابكيـك
واشيل جرحك اجبرتنـي غلاتـك

وإن غبت عني كل مابـي يناديـك
حطمت حلمي ورحت ألبي امنياتك

ادري الجمال وسود الأهداب كاسيك
لكن حسافه عكس وصفك خفاتـك

ياما رجيتك ودمع عينـي يحاكيـك
طاوعت نفسك وكلمتي اليوم جاتـك

مابيـك انـا بدنيـاي والله مابيـك
رح ياعساك بجرح ينـزف شقاتـك

واول أقول الموت فينـي ولافيـك
واليوم فرحي ينولـد فـي وفاتـك

أعجبتني فنقتلها لكم..
ولكم تحيات
ماجد البلوي

مشكور على هالنقل الرائع...............