بسم الله الرحمن الرحيم
هذه قصيدة مدح موجهه لوالدي الشيخ / عطاالله بن هندي ابن الافي العرادي من الشاعر / عويض بن ساعد العرادييا حادي الحرف فكري جالت ركابه = بين المعاليق حنت شقر مجتله
هيجن على القافيه ثم أحسب إحسابه = درب المعالي سنود نجومه مطله
شوح ولا يلمس الظرفات مشعابه= شرد الحراير بليا أرسان منتله
تلفي عطاالله عسى مرحوم من جابه = شيخاً بفعله مقام الجدي محتله
للجار والظيف دوم مشرعاً بابه = يجوج جوده صخى جوداً على حله
ما هي جدايد . وهي غارات وإحرابه = يقلط على الصعب أبو سالم ويشتله
وقت الليالي تعاوى كنها ذيابه = يذود عن ماقفه والقل ما ذله
حليم طلق المحيا لين الجابه = يحسب حساب الرفق ويدمح الزله
بيته على العز ظل(ن) ثبت أطنابه = عزالله إنه ظليل (ن ) يبري العله
ما هو بظل الضحى مده مع إيابه = لا بله إلا طويق إلى طفح ظله
اسوقها ياطويل العمر منسابه = وارجاء السموحه إذا جاء نقص بالدله
قدرك كبير أكبر من الشعر وكتابه = تنفد بحور القصايد قبل تاصل له
