للغدر محتاله وللحق عراف
وأصغر قزم يكره طويل العناقي
والشعر فيه اسمان و هزال و إعجاف
والناس كلآ له مزاج و مذاقي
واللي تبيح السد ما هي على القاف
زرقا هزيله وأبيض الشعر ناقي
والشاعر اللي ماله إطموح و أهداف
بيني و بينه ما يتم إتفاقي
للشعر بيت و للكرم بيت مضياف
راع المضيف اللي على سلم راقي
خير ولد خير و للخير أوصاف
سمح المحيا في قدوم الطراقي
لاقام يزنف بالمعاذير زناف
وأضفى على فعل الصنيع الرواقي
طلع لفعل الطيب في راس مشراف
طلعت شجيعآ ما أدرق بالمتاقي
صفوت كرام و صفوت قريش الأشراف
عزوة شفيع الخلق بدر الشفاقي
لولا عيال العود حامين الأطراف
ما عاد تبقى للشهامه بواقي
أهل الطغا دستورهم ظلم وجناف
من بينهم ما غير طعن السناقي
والظلم سايد بالعواصم و الأرياف
وأخير من لاما الطغاة الفراقي
أطمح لجزل العلم و أشوم و أعاف
هرج اللصوص مروجين النفاقي
هرجة سياسه مابها عدل و أنصاف
من مالكي شيعي إمريكي إعراقي
الناس خمس أنواع وعقولها أصناف
المحترم واللي علومه أرقاقي
واللي لغرات الأجاويد كشاف
عليه فنجال الشرف ما يساقي
المخرج أشر لي ووقت اللقا طاف
دمتم بخير و للسوالف غلاقي
الشاعر مسعد منور الجهني
