قصيده حزينه وجميلة تكفى يا هم..؟؟

قصيده حزينه وجميلة تكفى يا هم..؟؟

السلام عليكم ورحمة الله وبركاته

قصيدة حزينة وكلماتها بسيطه ومؤثره

اليكم القصيده ان شاء الله تنال على اعجبابكم..

يا حظ تكفى طلبتك لا تجافيني
اقعد بصفي طلبتك بس هـالمره

ماعاد باقي دمع ما طاح من عيني
وآنا اتصبر واسب العيشه المره

يا قلبي الوافي امانه لا تخليني
تعبت من كبر الهموم بقلب يا صغره

الى متى يا هم تبقى مخاويني
خوه عزيز على الكسرات يا جبره

ابيه يبعد ولكن مو موحيني
وخف صوتي معاه وخفت النبره

ياهم تكفى ترا الي في كافيني
ماعاد فيني استطاعه حمل يا كبره

لامن سليت النهار الضيق يمسيني
ولامن سليت المسا قابلني من بكره

مافيه حيله ولا حاجه بيديني
حتى الثلاثه بعيني أصبحت عشره

لاصار صدري وطن الهم معطيني
جيش الهموم وجنوده بكامل الخبره

اقسم برب الذي خالقني من طيني
ماعاد تفرق معي ولا حركت شعره

والحين دامه تحدي بينك وبيني
هذا جوابي كتبته في طرف شطره

لا ضاق صدري وهمي جاي حاديني
وقفت قدامه وجالس وحدي انتظره

هذا قصيدي كتب من حر ما فيني
والقلب والله فلا هو منتهي صبره

ترى ماني كاتبها لكن من زمان اعرفها..
وان شاء الله تعجبكم..
تحيات
ماجد البلوي

صح لسان الشاعر ويعطيك العافية اخوي ماجد على النقل ،،،،،،،،

اقتباس:

---

المشاركة الأصلية كتبت بواسطة مشعل بن مشحن السرحاني

صح لسان الشاعر ويعطيك العافية اخوي ماجد على النقل ،،،،،،،،

---

الله يعافيك
ويبارك فيك

صح لسانك
والله يعطيك العافيه

شكراً لك على النقل

وصح لسان الشاعر