الشاعر/سلامه عليان القويعاني وردية الشاعر /محمد العنزي

قصيدة من الشاعــر /سلامة عليان القويعاني

مهداءة لشاعــر/محمد نايف العنــــزي

ياراكب الي ماهرج فية نقاد ولد الاصيل ومن هذيكـ الاصيلة

مافوقها الا الخرج يزهاه بشداد مع جاعده والميركة والجديلة

مود بن مافيه لفة ولا عراد وبجنبة الايمن رموز القبيلة

وسم القويعاني ثلات بلا وكاد مع شاهد له ولا مارة دليلة

ماحط لةساهرعلى الدرب مرصاد مافية لوحة تنتهي مع مديلة

يمشى صلاة الصبح مع نور الاشهادة وعند الرفيق الزين يلحث مقيلة

يلفي على الي يكرم الضيف بالزاد الوايلي راع العلوم الجزيلة

محمد النايف معرب بالاجداد اهل القنا وهل السيوف الصقيلة

اشكي عليكم حب مزبور ميعاد لصار ماصل حظرتة وش نجيلة

من دونها البيان والهرج مافاد مدري زمان العولمة وش حصيلة

الحب روح وقت عنتر وشداد واليوم مثل الي مضيع دليلة

حاسوة جيل الخكرنة جيل الاقصاد الي يفشل والدة مع كفيلة

جيلن طلع هالوقت لاعل ماعاد لباست الجينز الحمر والفنيلة

وصلاة ربي عد ماحن رعد وعلى محمد عد برق نخيلة

ورد علية الشاعر محمد بن نايف بهذةالقصيدة

يالله يارفاع سبعاًبلا عماد يالواحد المعبود منش المخيله

يامنجين يونس ويا مهلكن عاد ادعوكـ بسمك ياعظيم الفضيله

وبك نستعين ونبدع ابيوتن اجداد من منهلن عند الطلب زاد سيله

شاعر بحرماني شويعر وقصاد اختار جزل القاف وترك هزيله

جتني رسالة من على الطيب معتاد سلامة عليان مزبن دخيله

يامرحبا وهلين بكـ يابن الاجواد يالي جدودكـ كاسبين النفيله

تشكي ياأبوعادل هواظبي الاجراد ام العيون الناعسات الكحيله

حدد لنا ياطيب الساس ميعاد وابشر بفزعة واحدن تشتكيله

نجيبها لوهي ورا شط بغداد بالمال ولا بالشيوخ الجليله

انا عضيدك وعتبرني لك اسناد والي ماتقدر لو كتوفي تشيله

لو كان من دونة منافق وحساد مافية عندي حاجتن مستحيله

ننخا شيوخا مالهم حصر وعداد بلي وايل كاسبين الجميله

وعينك لزوم اتقر يالقرم برقاد محبوبتك تصبح ابيتك حليله

اما زمان الجنز والنت والايباد عوايداًصارت علينا دخيله

دع التقدم والحضارة بنا زاد ماقول كل الناس فيئة قليله

وهيثم مايشبة ياابوعادل لعواد عواد في جيلة وهيثم بجيله

اخبرك كنك عن الوضع نشاد هذا زمان الفين مافية حيله