المشكلة ماهي بمرسي و بشار ... رائعه للبياضى

المشكله ماهي بمرسي وبشار ... المشكله في حاملين الرساله

يروح بشار اﻻسد روحت قطار ... وانشال مرسي وحل سيسي بداله


ما شفت شي تغير وﻻ بعد صار ... شي(ن)يقول الخير مقبل خياله


شعوب مضهوده وبهم شبت النار ... كلا قبس في جلد عمه وخاله


اطفال تذبح والنساء اصواتهن عار ... هذي قيمنا من زمان الجهاله


الصوت من عبرالقنوات للدار ... مسموع لكن مااحد معطيه باله


يصيحن وينخن من التاس اﻻحرار ...واللي يدوس اعراضهن حثاله


وشلون تغصب حره وتجلب العار ... وابو شنب يصفق يمينه شماله


هو به خلل واﻻ فسد دمه الحار ... واﻻ مع اﻻيام بانت خماله


صابه برود يشوف بالعين ما يغار ... عادي يجيب اغراضه من البقاله


الوضع محرج يابعيدين اﻻنظار ... ياليته اصبح ميلة(ن) واعتداله


لكن ماله غيرسيف(ن) وبتار ... اللي يرد لكل راعي حلاله


بعد الله اللي للخطيات غفار ... الواحد المعبود جلا حلاله


،،،،،،،،،،،،،،،،،،،،،،،،،
الشاعر محمد البياضي.

صح لسان الشاعر ويعطيك العافيه ياأبوبدر،،،،،

المشكلة يا خوي ان عزمنا خار..وهنا ابعيون الغجر والحثالة
الموت لاجل الديمقراط ما صار..بعهد النبي المبعوث باصدق رساله
صرنا نقاتل تحت رايات واشعار..ورده كافر من بلاد النذاله
حين(ن) شيوعيين قدوتنا جيفار..وحين(ن)الى علمان اصل الجهالة
وحين(ن)ديمقراطي وصندوق واصفار..وتحرير للمرأة وعهر ورذالة
وحنا ما ننعز سوى بدين لبرار..محمد المبعوث وصحبه واله
صلى عليه الله ما طايرن طار..يطلب من الله رزقته في مجاله