بسم الله الرحمن الرحيم
حــيـا الله اللي لــفى الحــفلة وشــرفها * مـــن كــل فــجــا عميـق الـله يحييهـــا
عــند أبو مــاهر ولايحســب كــلايفها * حضـــرة صقــورا بعــيدة في مجـانيها
فرحة هل الطيب بأهل الطيب ناصفها * غيث الميخيــلة إلى جـت مـن مناشيها
طيــب الرجاجيل باقي في صحــايفها * معــالــمـــا بيــن كــاتبهــا وقــاريـهــا
هـــذي ســلوم العــرب والكل يعرفها * وأجــدادنا الـــراحلة نمشي ممـاشيهــا
هــذي حــقايق تــرى ماني مــولفهــا * والطــيبة طيبــة مــن حــظ راعيـهـا
وهـــل الــوفا بالــوفا نعرف مواقفها * أيــامـنا الحـاضـرة تحــكي بماضـيهـا
والشـاعر اللي هجوس الشعر كـلفها * يتــعب عــلـى صنـعها ثمــين يلقـيهـا
درت بحر في محل العرف نصرفها * مــن شــان منـهو تشـوق في معانيها
فنجـال دلــه حــيام الــروس كيــفهـا * مـــن شــاعــرا قــالها والكل يوحيها
ســلام ياصل حــرارا في مشـارفها * اللـي تحــل الصعـاب وتعتـني فيـهـا
ياصـاحب الشهـرة الـلي ماتسـلفهـا * أبـن رفـاده حـكـيم الـراي قاضيـهـا
أحـداث الأيام طــرف العين شايفها * تشغـلك وقـت الصـلاة اللي تصليـهـا
كــل الأوادم عمـل بشــار موسفـها * هدم المباني عـلى اللي ســاكـن فيهـا
والعــالم المسلمـة تبدي عـواطفهـا * والنصر جعـله حلـيف اللي سعا فيهـا
ياللـه ياللـه فــي نصـرك تضـيفها * تنصر هـــل الــدين وتحقــق أمـانيها
والغيمة اللي على الإسلام تكشفها * تقــدر عــليها وغــيرك ماقــدر فيها
للشاعر/ صويلح صالح العبيلي البلوي
