حنيت حنة راعي النوق للنوق ؟؟؟؟؟؟؟

حنيت

يازين جيتك ممتطي صهوة الشوق = يطوي دروب البعد درهام شوقي
جبتك مخيله كلها رعود وبروق = يضوي ظلام الليل شعة ابروقي
جيتك وانا كلي مشاريه وحقوق = ابغاك تعطيني من ابسط حقوقي
حنيت حنة راعي اللنوق للنوق = ونت بعيني من مغاتير نوقي
عهد الوفاء مابين عاشق ومعشوق= ماواحد منهم لعهده يبوقي
ونكان دلو الود تنتابه اشقوق = كيف الروى والدلو فيها شقوقي
الود مايصفى ليا صارمعقوق = من خلقته يثر عليه العقوقي
يازين كان الود بالقلب مخلوق = مخلوق للوجه الحسين الخلوقي
وجه الحيا مع زين خلقه ومنطوق =وزين النبا سقيا يباس العروقي

صح لسانك وقلب الشاعر الفذ الكبير ابو كرم

للشعر متعه وفكر ومعاني بصورة لا يتقنها الى انت

دائمآ للجميل والاجمل وفقك الله

صح لسان الشاعر

صح لسانك يالغلا

ولك خالص التقدير

معزوفه جميله مستوحاه من الباديه جعلت القاري لأبياتها يعيش تضاريس الطبيعه وتراث الاجداد
تسلسل تعبيري جميل لايجيده الا شاعر متمكن
شكراً ابو كرم

اخي الحبيب طلال شليويح

حياك الله اخي الغالي اسعدني حضورك يالنشمي ولك الشكر

وفقك الله لكل خير