** رحــل بكــيـــفــــه **
( رحل بكيفه )
رحل بكيفه دون كلمه وتوديع
ماني بناشد وين رايح بكيفه
الدرب سالك وسعّته المشاريع
الله يسهل له دروب ٍ وليفه
من شهروإلامن ثلاثة أسابيع
ابحث على حل الأمور الكليفه
طبعه غريب ولا تفيد التطابيع
شبعت من كذبه وغدره وزيفه
القلب حبه كنت مااسمع ولااطيع
واليوم نفسي من غرامه عفيفه
وعند الكرامه ما اتنازل ولاابيع
أصبرعلى نزف الطعون المخيفه
رجلي على درب السنع والمطاليع
متعّوده ترقا الجبال المنيفه
الشوق كله يم ذيك المرابيع
دار الكرم اهل القلوب النظيفه
جبال عز ٍ شامخات ٍ موانيع
تسمع تراحيب المعزب بضيفه
ترىالظبافيهامع الضلع والريع
متواليات ٍ في صفوف ٍ حليفه
عيني على ذيك العيون البواتيع
من سهمهاصاحت جروح ٍكثيفه
فيهاالحياوالزين من غيرتلميع
تلبس لها ثوب ٍ مشجر قطيفه
صوره فريده لارسوم وتواقيع
من بعدها عفت الحياة الكسيفه
محمد الثوعي
رد: ** رحــل بكــيـــفــــه **
صوره فريده لارسوم وتواقيع
من بعدها عفت الحياة الكسيفه
صح لسانك
يا شامخ
واللي رحل خله يرحل بكيفه
......................
أسمح لي بنقلها لتويتر
رد: ** رحــل بكــيـــفــــه **
رد: ** رحــل بكــيـــفــــه **
اخي العزيز .حامدراشد الوابصي
ممتن لك على مرورك الرائع والذي عطر متصفحي
حروفك قبس من نور.ولك ماتريدبحرية النشر .ودي والتحايا
رد: ** رحــل بكــيـــفــــه **
الشاعر القدير محمد ثوعي
صح اللسانك وسلم بنانك
على هذه القصيده الجميله
رد: ** رحــل بكــيـــفــــه **
فيها الحيا والزين من غير تلميع=تلبس لها ثوبٍ مشجر قطيفه
صوره فريده لارسوم و تواقيع=من بعدها عفت الحياة الكسيفه
الله الله
صح لسانك شاعرنا الجميل محمد ثوعي
:|for you|:
ودي و تقديري
