سالفــة البدوية مع الحــــضري..؟؟

سالفــة البدوية مع الحــــضري..؟؟

يقول فيه بدوية تزوجت من حضري تاجر وغني..
في أحد الأيام كانت هالبدويه مع جارتها والا الخادم حقها
جايب لها أغراض للبيت من زوجها. خضار وكيلو لحمه
البدويه شوت اللحمه على الفحم
وقسمتها بينها وبين جارتها والخادم حقها..؟

جاء الحضري يسأل عن الغداء قالت له وشو غداه
ارسلت لي شِويّه من طرف الذبيحه أكلت منها وجارتي والخادم
والعلف عطيته (الغنم) تقصد الخضار..؟
طبعاً غصب الزوج وضربها وراحت لأهلها..
شافها ابوها وقال وشفيك يا فلانه قالت له:

حطيتني يابوي في الجاه والغين
والمال دونه ليّة ثم ليّه

الله من رزقٍ تجيبه الموازين
أنا ترى ما اكله ولا تمده يديّه

ربعي سفرهم في جلود البعارين
محلى مقابلهم على الصينيه

قعدت عند ابوها سبع سنين ويوم جدبت الأرض
رحلوا البدو كعادتهم بالقرب من منطقة زوجها..
ومن الحظ كان الغدير قريب من بيت الحضري
وكانت تعبي الروايات عند الغدير وهو يشوف من فوق البيت
وكأنه مشبه عليها..؟

قال :ياللي على المشرع يروّي صميله
يابو جعود فرع الأمتان نفاح

أسألك كان مطركم يمنا نستخيله
وإن كان ماهو يمنا القلب يرتاح

قالت : رجّالكم يالحضر ما نستوي له
يحط لي في ضبّة الباب مفتاح

قال: اقول بالله يا مفتاحنا تنقلينه
يا قمري الفيّه ويا نجم الأصباح

قالت : يحرم علي أكون لك حليله
مادام نجم سهيل في الجو ماطاح
وسلامتكم ..
ولكم تحيات
ماجد البلوي

شكراً ابو سعد
دائماً تتحفنا بالقصص التراثيه

شكرا ابو سعد على القصه

شكرا ابو سعد
قصه جميله

قالت : يحرم علي أكون لك حليله
مادام نجم سهيل في الجو ماطاح

يعطيك العافية يا ابو سعد ....:) . بين حدائق الانترنت تسعى لتأتي لنا بالرحيق المصفى:) :|hart:| :D