مدح في : مشحن ابن عايش الحمري البلوي

بسم الله الرحمن الرحيم
هذه القصيدة مدح في : مشحن ابن عايش الحمري البلوي

عسى السحاب اللي معه برق ورعود .. جعله على سديره يهل برديه
يسقي قطعان رمز الكرم راعي الجود .. مشحن ولد عايش زبون الونية
مـن اول شبـابه قايــد المرجـلة قــود .. ثبت شداده فوق كور المطيه
مـن الـحمــر مزبـنــة كـل مـضهـود .. وخواله السميرات عز وحمية
راعـي ديـاويـنن لـهـا وفـد وورود .. وبيته كما هداج شيخ الجوية
امـا ذبـح نجـدي ولا ذبـح مفـرود .. والنار تشعل كل صبح وعشية
اسـد وعقـب فـي عرينـه له اسـود .. عناد وظاهر وسليمان زيه
ان غاب سـدوا غيبته تقل موجـود .. يالضيف قلط عزوتا حاتميه
لعل يفداهـم الـردي قـليل الفـود .. اللي على الطولات عزومه رديه
يـالله انـا اطـلبـك ياخيـر مـعبـود .. تبارك لهم باموالهم والذرية
تمـت بذكـر الله عـدد ذعـذع النـود .. على محمد سيد كل البرية

شعر : بشير سالم السميري البلوي .