حنا بلي نرجع عيال الصحابه

اللي يبا التاريــخ يفتـح كتابـه
من غير لاينشد هل النقص والزود
حنا بلي نرجـع عيال الصحابــه
يشهد لنا التاريخ مـن عهد وجدود
وحنا بلـي تاريخ عـز ومهابــه
اصغر ولد فينا بذل كل مجهود
ميقافنا با الوقت كلـ(ن)درا ابـه
لو يحذف التاريخ حامد ومحمـود
وحنا بلي والسيف نمسك نصابـه
لو دارت الايام والعمـر محدود
إذا لفا الرجال نحسب حسابه
ماحنا من اللي دونه الباب مردود
اللي يجي معنا يحصل رحابه
واللي يعادينا من الناس مقرود
الرجل فينا لا لقا الجزل جابه
ايقدم الواجب ولا فيه منقود
ابن رفاده شيخنا فك بابه
تلقاه في كل المهمات موجود
الله يحفظ لابتي خير لابه
في ظل سلمان الوفا راعي الزود
الشاعر /مسند دعيس البلوي

الله يعطيك العافيه وتستاهل قبيلة بلي

الله يعافيك

صح لسانك اخوي مسند ابيات جميله والقبيلة تستاهل كل خير
وماهو غريب عليكم الشعر الجزل فانتم اهل الشعر ومن اهل الصفات التي تفتخر قبيلة بلي بها .
ونسأل الله ان يحفظ الجميع وان يحفظ علينا قيادتنا وامننا واستقرارنا

اقتباس:

---

المشاركة الأصلية كتبت بواسطة أبو عبدالرحمن السرحاني

صح لسانك اخوي مسند ابيات جميله والقبيلة تستاهل كل خير

وماهو غريب عليكم الشعر الجزل فانتم اهل الشعر ومن اهل الصفات التي تفتخر قبيلة بلي بها .
ونسأل الله ان يحفظ الجميع وان يحفظ علينا قيادتنا وامننا واستقرارنا

---

الله يخليك ابو عبدالرحمن السرحاني
هذا من طيبك الله يخليك
لك كل الشكر والاحترام اخي العزيز

إهدا لقبيلة بلي
وتستاهل الكثير