قصيدة /حسن عبيد السرحاني
قالت تغزل والغزل ماهو عذروب @ ،،للشاعر اللـــــــــــــــي ماتجرح وصــوفه
شعر الغزل عند اكثر الناس مرغوب،،@ مابه علـــــــــى عاشق تهــامه كلوفه
ركز بشعرك كل ماتقول محسوب ،،@ لاتاصف إلا اللــــــــــــــي عيونك تشوفه
قلت أصف المخلوق ولا أصف الثوب،،، @ ويش اللذي بالوصف تبغين اطوفه
قالت نصيفت موقعي عنك محجوب @ ،شوف الكتاب وخـــــــــــذ نوادر حروفه
قلت الكتاب ابيض مابه شىء مكتوب ،@ منه الحروف النادرات امحـــــــذوفه
قالت سبب دمعآ من العين مسكوب،،@ ضيع معالــــــــــــم مغريات العيــــوفه
قلت البشرمابين غالب ومغلوب،،@ هذا القمر عالي وعيبه كــــــــــــــــسوفه
قالت فهمت وماطلبناه مسحوب،،@ هذا الشعر زود على القلب خـــــــــــــوفه
خلاص ابحرق صفحت الشعر واتوب ،،@ عن استماع الشعر واللي يحــوفه
قلت اعتبرني عنك بالشعر مندوب،،@ شاعر وصف حال العيـــــوف الهنوفه.
*******
رد هايل زيدان السرحاني
الله يفك الكرب عن كل مكروب "" يفك كــــــربك يا محنــــــــــــــي كفوفه
شعر الغزل يشبه مواعيد عرقوب "" حرفه يصـــــــور واقعن ما تشوفه
يسقيك نصف الكوب او ينثر الكوب "" يشبه امعزب منشغل عن ضيوفه
الا حسن له فلسفة شعر و اسلوب "" قبــــــــــل ايتغزل بك يسوي بروفه
اذاتغنى لك اهجيني ومسحوب "" كن الغرام وعشق ليـــــــــــــــلا يلوفه
اما انا لو هزني شوق رعبوب "" رحت اشتكي با لشعر واشرح وصوفه
ارقب ارحيه كني ادور اذهوب "" واشوف طرشن ليت جـــــــدي يشوفه
اشوف راع الشاص لحاله يلوب "" له بكرتين و نا قتين مخـــــــــطوفه
الله عليم انه من عيال ميهوب "" مقهور و يدور حلايب ضــــــــــــعوفه
با لاجهزه يزهم مع دموس عرقوب "" و الحنجره فيها اهتزاز ونشوفه
قال الحلال اصبح تقل ملح ويذوب"" وين الرغيه يا حسن والخــــروفه
يا ليت بالحره يركب تلسكوب"" لمتابعة وضع الحلال وظــــــــــــــروفه
