لولا الخطا محدن عرف قيمة الصح

قصايد الشاعر الحكيم : حبيب العازمي العتيبي ..... في الحكمة ولدهاء
لولا الخطا محدن عرف قيمة الصح
ولولا الصحيح يصح جات الفضايح
شي طبيعي يوم ننصـح وننْصـح
الناس كانـو يشتـرون النصايـح
ياجاهلٍ في الوقت تسرح وتمـرح
ترى الحياه الهـا نظـام ولوايـح
وأن كان ماتبغى كلامي هـذا رح
واشره على اللي قال وين أنت رايح
..................................................
ياهل الهروج العرج لو تمشي العرج
خطوه وراء عـن خطـوةً للأمامـي
الصمت في بعض المجالس عن الهرج
يسوى مائة كلمه من أغلى الكلامـي
ولو كل تاجر في البشر يفتح الـدرج
ما صـار للتجـار غيـر الاسامـي
وراع الحصان اللي يعنّه بلا سـرج
لو يشعـل النيـران بـرد وسلامـي