قصيدة غزليه ( يا وجد قلبي )
يا وجد قلبي وجد حرٍ على الحوم ::::: من سو حظه صاحبه ما يهدّه
دايم مبرقع ما فهق عنه لو يوم ::::: والسبق عن فل الجناحين ردّه
من كثر رزه بالمجالس ومكتوم ::::: صابه مرض جدره وبالرجل سدّه
على الذي من شوفته صرت محروم ::::: كني يتيمٍ جرّح الدمع خدّه
من غاب عني ما طرق جفني النوم ::::: ونفسي غدت عن لذة العيش صدّه
حالي غدا من كثرة الهم مسموم ::::: حتى الشهر ما اميّز اسمه وعدّه
قضيت لي عامين ضايق ومهموم ::::؛ همٍ يغربلني و حيلي يهدّه
خياله اللي داخل العين مرسوم ::::: خلاني اعمى والنظر فيه حدّه
من يوم قفّى كن في صدري سهوم ::::: من بعد ما اقفى بيّح القلب سده
اقفى وانا من بعده اطيح واقوم ::::: روّح ويبقى داخل القلب ودّه
لكنّ ما جاني مقدّر ومقسوم ::::: ورضيت بالمقسوم جزره ومدّه
كلمات : فيصل بن رفاده
رد: قصيدة غزليه ( يا وجد قلبي )
حظور ونص رائع صح لسانك يافيصل
و
وكل عام والجميع بخير
رد: قصيدة غزليه ( يا وجد قلبي )
لكنّ ما جاني مقدّر ومقسوم ::::: ورضيت بالمقسوم جزره ومدّه
صح لسانك يافيصل ...... راااائعة
رد: قصيدة غزليه ( يا وجد قلبي )
اقتباس:
المشاركة الأصلية كتبت بواسطة عايد السميري
حظور ونص رائع صح لسانك يافيصل
و
وكل عام والجميع بخير
صح بدنك يالغالي والاروع مرورك
رد: قصيدة غزليه ( يا وجد قلبي )
اقتباس:
المشاركة الأصلية كتبت بواسطة أحمد بن حسن البلوي
لكنّ ما جاني مقدّر ومقسوم ::::: ورضيت بالمقسوم جزره ومدّه
صح لسانك يافيصل ...... راااائعة
صح بدنك يالغالي والأروع مرورك
رد: قصيدة غزليه ( يا وجد قلبي )
لكنّ ما جاني مقدّر ومقسوم ::::: ورضيت بالمقسوم جزره ومدّهالله عليك روعه وصح لسانك :|for you|: :|for you|:
