وأنا ماتكلم لين اشوف الرجال سكوت

‫شيلة أنا من ورا يبرين كلمات الشاعر عبدالله بن شايق رحمه الله اداء المنشد فالح الطوق‬‎ - YouTube

أنا من ورا يبرين كني ورا بيروت
وياويش عرفنا العبــــيلة ويبريني
ألا ياأم سالم جاوبيني بزين الصوت
تراني ماغير ادور اللي يلاحيني
وتراني قصيرس في الخلا ما بنيت بيوت
ولا عشت بين المدرسة والبساتيني
ولاني من اللي يعشقون البحر والحوت
ولاني بأحب الضعف لأجل الملاييني
ولاني بتاجر زود ثور حياته قوت
أبي مايسد الحال وأسلم من الديني
وأنا ماأتكلم لين أشوف الرجال سكوت
على شان كل ينتبه لــي ويوحيني
ولا أوصف إلا وصف شيء عليه ثبوت
من العاقل اللي كني اشوفه بعيني
ولاني بأحب أسمر على طقة البيلوت
ولاقلت قوموا خلو الدور ياتيــــني
ولا همني صن أربعميه مع كبوت
ولا قمت أفل سراي في جنب خمسيني
رقدت وصحيت وقمت خايف يفوت الفوت
أنا ميت في القصر والبر يحييـــني
هبايب صحاري نجد والبر قبل اموت
علي الحرام أنها الدواء اللي يداويني
وعلى الجنب الأيمن صنعة الروس تحت الكوت
لي الله والأشرم حالف مايباريني
وأنا مومنٍ بالله ما آمنت بالطاغوت
وبرحمته جعله من النار ينجيـني
قصيدة : الشاعر / عبدالله بن شايق -الله يرحمه ويغفر له

يعطيك العافيه يأبن دعيس

الله يرحم الشاعرررر

عبدالله بن شايق رحمة واسعة

الله يرحم الشاعرعبدالله بن شايق
الله يعطيك العافيةعلى النقل

مشكور على النقل الرائع ..............