ذكريات لشاعر سلامه عتيق الهرفي

ذكريات

البـــــارح الليــــل مانــــوت بغماضــــــي *** قمــــة اتذكـــــر ليالـي ويش طراها
هاتــــوا لـي الجيب حطو لي به أغراضي *** نويـــت أنـــا ديرتـــاً بالقلب ذكراها
قالــوا لــي وشفيــك تتوجــد على الماضي *** قلــت اتوجـــد علــى اياماً قضيناها
أيــــام فاتـــت لهــــا بالقلــــب منباضــــي *** لــو كــان فيها صعوبه قلت محلاها
يــوم الــبدو تتبــع البـــراق الـــى ناضــي *** بالفيضـــه أم انفـــل ترعى رعاياها
وإلــى انتهــى العشــب جــو للعد مقياضي *** قـــدام زود قلـــط بادلــــو ورشـاها
اهـــل بيوتــــاً علـــــى العمـــدان نهاضـي *** إلـــى جيـــت يا زينها وزين مبناها
ون جيت ســــراي تلقــــى نارهـــم تاضي *** ودلال بغـــداد جنــب النار تصلاها
والصبــح يصـحيك صوت النجر لاهاضي *** هــاذي عاداتاً لهلنــا كيــف أبنساها
مع جلستــاً بــــه سوالـــف زيـــن اللفاظي *** يازن لــــك السالفــــه قــــدام يبداها
كبيرهــــم بينهـــــم يجلـــس كمــا القاضي *** لــــه كلمتــــاً بينهـــم محـــداً تعداها
واليـــوم بيــن القرايــب صــار اللبغاضي *** يالله دخيلــك عـلام الناس وش جاها
ابــلا سبـــب شفت بعض الناس مغتاضـي *** لــــو ما تكلــم بنظـراتــــه عرفناها
يلادمـــي فـــي حياتـــك تــوب وعتاضـي *** أعمالـــك مسجلـــــه قــــدام تلقـــاها
احفـــظ لسانـك وصوم وصلي الأفراضي *** تنفعـــك فـــي ساعــة الحسنه تمناها
وصـــلاة ربــي عـــداد السيــــل لافاضي *** علــــى شفيـــع الخلايــق يوم بلواها


فديو

‫شيلة الشاعر سلامه عتيق الهرفي ( البارحة الليل )‬‎ - YouTube

الشاعر/ سلامة عتيق الهرفي

صح لسان يالغلا

ولك خالص الود

صح لسانك ياابو إبراهيم

Sent from my GT-N7000 using منتدى قبيلة بلي الرسمي mobile app

صح لسانك والله يعطيك العافية

صح السانك ابو ابراهيم