يافارقه بالزين عن جنس حوا
بالهون صبري مابقى فيه طاقه
ليتك دخلتي شفتي القلب جوا
وشلون يشكي لهفته وإشتياقه
ومن الجفا وش حس بعدك وسوا
من قبل لا تنوين قطع العلاقه
قامت عروق الشوق بعدك تلوا
ولا اهتنى بالنوم جفني وذاقه
كن الجسد من فوق جمره يشوا
وأزرت تشيله ياهوى البال ساقه
أسهر لمن الصبح شعشع وضوا
على أمل يرجع زمان الصداقه
ياصاحبي قبل الموادع تروا
يفداك قلبي بس جنب فراقه
#وازن أبو شامه
