قصيده مهداه لـ فضيلة الشيخ العميد مسفر الدوسري

القصيده مهداه مع التحيه والاحترام لفظيلة الشيخ العميد مسفر بن محمد الدوسري . من الشاعر عبدالرحمن ابن عوده الجذلي البلوي


يالله تهديني على المنطق الزين . ويالله تهديني على حسن اجابه

يابو محمد أبتدي فيك من وين . يالطيب اللي ماجهلنا جنابه

ياراعي النخوه وياراعي الدين . الي على السنه مفصل ثيابه

يامكرم الضيفان نسل الكريمين . ديوان بيته ماقفل يوم بابه

تتعب على الطولات من وين لاوين . فطره إلاهيه مافيها غرابه

سلما وطبعاً ياطليق الحجاجين . كلام شاعر صادقا في جوابه

تستاهل الرتبه وكل النياشين . قايد عقيد القوم من روس لابه

حيدا متين مزبن لكل ناصين . ظل وذرى في كل شي تهقابه

ولنه هرج في حكمه ومنطقه زين . حكيم في رايه بصدره رحابه

خوي وصاحب لرجحن الموازين . ياقف معك لاصار فيه انقلابه

انقدره تقدير فوق القوانين . امقدراً حتى بحظرة غيابه

يالدوسري نسل الرجال الشجيعين . ياللي لكم بين القبايل مهابه

اولاد زايد ملحقين المخلين. يوم الردي بالكون مايعتزابه

انتم إلى ثرتم سوات البراكين . عدوكم يوم اللقاء ياعذابه

أفعالكم مكتوبتا بالدواوين . مستشهداً فيها بوقت الحرابه

صلتوا وجلتوا وسط كل الميادين . فريس والموت الحمر ماتهابه

والنعم ماتكفي ولو قلت نعمين . والنعم لين الكون يطوى كتابه

قلته ونا ربعي ترد المعادين . بلي هل الطوله رجال المهابه

لين التقو وقت الملاقا فريقين . أفعالنا وفعالهم ماتشابه

تشهد لنا غزوة بدر ثم حطين . قدنا جيوشا يوم وقت الصحابه

ولاقلل بحق القبايل وفيين . كلن على الطولات يشعب ركابه

وصلو على محمد شفيع المصلين . شفيعنا اللي كامل العلم جابه

اللهم اصلي وسلم على نبينا محمد

والنعم بالمادح والممدوح

أهل الطيب لابد مايذكرون بالطيب

صح لسان الشاعر/عبدالرحمن الجذلي البلوي
الله يعطيك العافية على النقل

اشكركم على المرور كما أشكر أخوي سعود السحيمي على تنزيل تلك القصيد وهانحن نعود لكم بعد غياب طويل استمر ل 6 سنوات

صح لسان الشاعر/عبدالرحمن الجذلي البلوي

والله يعطيك العافية على النقل الراااائع

اقتباس:

---

المشاركة الأصلية كتبت بواسطة عبدالرحمن الجذلي

اشكركم على المرور كما أشكر أخوي سعود السحيمي على تنزيل تلك القصيد وهانحن نعود لكم بعد غياب طويل استمر ل 6 سنوات

---

ح

ياك الله اخوي وشاعرنا القدير بين أهلك و ربعك

و تكفى يا بناخي لا تبخل علينا بتواجدك بيننا و جديدك




ودي و تقديري