قصيده في الشهيد/ عبدالله صالح ابن رويحل السحيمي البلوي مخاطبا اكبر ابنائه صالح

قصيده في الشهيد/ عبدالله صالح ابن رويحل السحيمي البلوي مخاطبا اكبر ابنائه صالح



ياصالح العمر .. مايبقى على حاله
كلن يجيه الفنآ ~ وألهمه .. ألهمه


ترى الوطن مايقوم > إلا على ارجاله
وابوك شال الوطن ~ واسقاه من دمه


والموت واحد !! ولكن للرجل / فاله
اما على المجد ،، والا تلحقه ذمه


وابوك لولا الغلا .. ياصالح > إلحاله
بالمقبره ~ ماتشوف الناس ملتمه


عبدالله الي باللقى .." علم اجياله
ان الشجاعه تبي ~ رجالن مطمه


اليا برك للحمل .. لا تقول ماشاله !
يشيل ..شيال الحمل ..والحمل / خمه


عبدالله الي .. له العليا ~ ولعياله
شهيد محفورن اسمه .. عالي القمه


طيب وشهامه .. وكلن ياعرب / قاله
مقدام 》يارد غصب دايم على الجمه


والنعم فيه ..وكمان النعم في ~ خاله
وابوه و اخوه ..وايضآ .. جده ..و عمه


لاقالو القول .. جاك الفال > وعقاله
وعند اللوازم.. تشوف الواجب • إتمه


انشهد انه كفو .. للجيش .. وارجاله
وانشهد انه شجيع ~ وراعي مهمه


علاقته بالبشر .. بالطيب ~ تحلاله
والجند تشهد على الفزعات من يمه


بالدين متسلح .. ويمشي لوهو إلحاله
يآرد على حوض المنايا ~ ولا يهمه


يارب .. تجعل ~ جنان الخلد > مثواله
وتغفر ذنوبه كلها .. ~ والرحمه تعمه


الشاعر / أسعد ابراهيم السحيمي

رحم الله الفقيد ابو صالح واسكنه فسيح جناته



صح لسانك يا اسعد


قصيده جزله من شاعر معروف



اشكرك على هذه الرائعه

الله يرحم الفقيد ويدخله فسيح جناته
وصح لسانك ياأسعد

الله يرحم الفقيد ويدخله فسيح جناته
صح السان الشاعر قصيده جزله من شاعر جزل