حنا سعوديين على مر الازمان
.......الطيب فينا والكرم من سنينا
نخدم ضيوف البيت من كل الاوطان
.......ما ينقص الواجب وتعطي يدينا
حكم المقدر صار من عالي الشان
........ماهو ردى فينا ولا احنا ارتخينا
ماهمنا حملة رديين الا ذهان
.........مقصودهم واضح مايخفى علينا
قود السرايا يا ملكنا يا سلمان
.........في صبح نهجم وإلا ليل" سرينا
عندك قبايل فيها شده وفرسان
.........على حياض الموت رحنا وجينا
ما نخلف الهقوات لوكان ماكان
.........العمر مره والوطن له فدينا
دار الشريعة والعدل مهبط ايمان
..........على سنة محمد حنا مشينا
ابشر بعزك ياوطن خير واحسان
..........دونك رجال" رووسها ما تلينا
من يقبل الذله حياته بنقصان
......... هذا بعيد" عننا ماهو فينا
محمد الثوعي
