أأقبلت تمسك ورقها وبين أيديها معاملتين
وبابتسامه عريضه تسأل انتي تبصمين ؟؟
كانك متعلمه ممكن هنا توقعين
ولا مو متعلمه وبيسارك تبصمين
تنتظر مني إجابه وتكمل باقي الروتين
قلت يابنت المتعلمه لها صفه ولا ماتميزين ؟؟
ولا الأميه لها بصمه تميزها عن الباقين ؟
الأميه ماهي جهل قراءه وكتابه ولا الاثنين
الأميه جهل فكر وهجر عقل للفكر والدين
الأميه هي التطرف والأستهانه بالمساكين
كان المتعلمه مميزه كانوا اهلنا جاهلين
لاقراءه ولا كتابه لكن لاتسألي عن الدين
ربو ابناء وبنات وكانوا خير مربيين
الفخر بالدين تسعد برضى رب العالمين
وافتخر أني أميه وقبلي رسول الثقلين
أصطفاه ربي من بين خلقه نبي للعالمين
كان العلم بالتوقيع كلنا ترانا موقعين
العلم ماهو بصمه ولاتوقيع بالايدين
العلم فن التعامل وأخلاق مع الأخرين
وثقافة ودين ومبدأ نزل في كتابه المبين
العلم كلاً تعلم بس من هذبه الدين
غير اللي حسن اخلاقه وتبين القول الرسين
تربينا بليا علم وقراءه على أيدين أميين
عندهم اخلاق وكرامه ووجهونا على الدين
لابصمنا ولاوقعنا لكن لنا عقيده ودين
هاذي هي بصمتنا في وقت ضاع فيه الخلق والدين
