السلام عليكم ورحمة الله وبركاتة
أبيــات شعريه للشاعر حمود العرادي بعنوان الكذب
===============
الكذب حبله مايورد على البير = ولا فيه للي يصنعونه مسره
وترى المنافق مايدلك على الخير = ويبلاك في شره كفا الله شره
خلك بعيد ويمه الرجل لا تسير = واقصر قدم رجلك وحذرك تمره
ولا صار ماتلقى محبه وتقدير = يأتيك من بعض المقارب مضره
وخلك عزيز النفس عن حاجه الغير= وتصير شامخ فوق سطح المجره
والظن حلم ولاتحكمه تفاسير = يصدق معك مره ويخلفك مره
