يامحمد اقفل بيني وبينك الباب
ملزوم ذا الليله اسوي قصيده
في رجل ناديته وجاوب وماغاب
قال اطلب اللي يارفيقي تريده
قلت الطلب ماتقدره كل الاصحاب
حتى الرفيق اللي كثيرن رصيده
لاشك ابا اقوله واعلمك الاسباب
ورزقي على اللي مايخلي عبيده
لفيت ياغالب ولا عنك مجناب
وابوك راشد له صفاتن حميده
وعزالله انه جمل الموقف وجاب
جاب الطلب مرسول داخل بريده
وقال انتبه لايطلع العلم وتساب
ومعك الامانه لايجي فا الجريده
تراه فضل وجاك من رب الارباب
والشكر للي من تحمد يزيده
غابو عن الفزعه رجاجيل واشناب
وانا من اول ماحسبهم فقيده
مشكور ياغالب وانا منك كساب
عسى سنينك يابن راشد مديده
جملتني في وقفتك عند الانساب
وعند القريب وعند ناسن بعيده
كلمات الشاعر /مسند دعيس البلوي
