أليف 0 أقـدم واتشـرف وأنـادي
ناس لهم في مرتـع الذهـن نـادي
نقطف سوى سوسن معطر ونـادي
نهديـه للـي ع خيالـي يـمـرون
البـا 0 بدينـا باسـم ربـي بدينـا
برواحنـا همـه وقــوه بديـنـا
هـذا ورقنـا والمراسـم بريـنـا
مثلاتكـم يـوم ان قلبـي تبـرون
التـا 0 تناهيـد القلـوب الجريحـه
عنـد العـواذل للمعنـى فضيحـه
هنيـكـم بقلوبـهـم مستريـحـه
منتو سواتي من لضى الوجد تشكون
الثا0 ثلاث سنيـن واشهـر ثمانـي
عليك يا صافي الرهـاف الثمانـي
قضيتهـا بيـن الرجـا والامانـي
ولادري متى يمكن علـي تحنـون
الجيم 0 جرح الحب ما لـه مـداوي
وانا مريق فـي أربعينـي وحـاوي
الذهـن زل وذابـل الجـسـم ذاوي
اذرف دموي بالخفا خوف يـدرون
الحا0حوى كـل الخصـال الفريـده
تفـداه روحـي والمعاليـق بـيـده
سيد الجمـال وسيـد لسيـد سيـده
كنه مع يوسف من الطيـن معجـون
الخا0 خليقـة ربـي اللـي خلقهـا
لكـن ع كـل البـرايـا فرقـهـا
ريـح القرنقـل والخزامـا عرقهـا
امره الانه راد با الكـاف والنـون
الـد 0دواي وداي منهـا وفيـهـا
بالله يانجـوم السـمـاء حلفيـهـا
تدري عن اللي حالتـي حـل فيهـا
ولا حياتي كلها غبون فـي غبـون
الذ0 ذهاب النفـس دونـه شهـاده
شرهه عيـون اللـي يـدور وداده
وان كـان وده فـوق هـذا زيـاده
اهلا وسهلا ياخذ الـروح عربـون
الر0 ربيـع العمـر والكـل فانـي
ساعـه علـى غفلـه لونـه لفانـي
تكفـي لونـه منهـا مـا كفـانـي
لاصارت أخر من عيوني يشوفـون
الز0 زعيم القـوم ياخـذ وصاتـه
منهـا وع تكريـم أهلهـا وصاتـه
كنه كـلام وكـان هـذي حصاتـه
ان كان ماشـارت عليهـا يـردون
السا0 سبايك فـي سكوتـه سبايـك
ولاهـرج كنـه يطـرز وحايـك
فوق الحرير اللـي مننـم وشايـك
أغلا جواهر مـن لسانـه يشكـون
الشا0 شروق الشمس يشبـه سناهـا
لاعانقـة غيمـه لصافـي سماهـا
تنسـل سـلات السوانـي لمـاهـا
صفر الذوايب ع الردايف يطـوون
الصا0 صواديف الزمان العجايـب
قبله أحسب اني عـن الحـب تايـب
الشمس طلعت واصبح القلب ذايـب
كني لك الله بأنعـم الزبـد مدهـون
الضا0ضميت وظامـرات جنوبـي
جسمي نحل والحال دوبـي ودوبـي
اناشمـال وشـف بالـي جنـوبـي
جدران من دونه مبنـاه وحصـون
الطا0طويـلات الرواسـي رقينـا
نفسي عـن رمـاح المحبـه رقينـا
ماهي هقاوي والهـوى مـا هقينـا
يالله عساها كل مـا تكبـر تهـون
العين0 عافت نومها كيـف أسـوي
كني على جـرف متهايـر وهـوي
ان قلت نامي قالـت العيـن تـوي
يحرم عليكم ما تطبـق لـي جفـون
الغا0 غنـاه وراس مـال وغانيـم
حضيض منبه داعـج العيـن هايـم
ان اشهد انه كامـل الحـض قايـم
لونه عن العربان مجلـي ومديـون
الفا0 فقـدة الصبـر وأعـز حالـي
لادالـه قلبـي ولانــي بسـالـي
من قبل اعرفـه لا علـي ولا لـي
واليوم انـا فيهـا متيـم ومرهـون
القا0 قسمـت بواحـد لـه نصلـي
كني على حامـي رمـاد متصلـي
وان كان حبه في الهواء ماحصلـي
مشكور لاني منه مبلـي ومطعـون
الكاف0 كسب الطيب عادة ذراعـي
لووقتنـا وقـت القـوي الشجاعـي
والله لخلـي مـن تعـزواه راعـي
سواتهـم يـوم الجميـلات يسبـون
الام0 ليـت اللـي بلانـي بلاهـا
ولا لعـل ليـت يمكـن عسـاهـا
معلوم ما تحرق سوا اللـي وطاهـا
وما تفتح الا باب خاسـي وملعـون
الميم0 محتـل وحلالـه حسوسـي
حتى لونـه فـوق قلبـي يدوسـي
بالله باالهـون وتوقـى وقـوسـي
ان هنت انا انته ياأريش العين متهون
النـون ناديـتـه ولازال انــادي
زادي وداده يــوم للـنـاس زادي
حتى ولونـه جورهـم حيـل زادي
زي العسل لونه من المـر مشحـون
الها0 هماليـل السحـاب ومطرهـا
تسقي ديارة بدوهـا مـع حضرهـا
باني السمـوات العظـام وفطرهـا
بلا عمـد ولا سنايـد ولا ركـون
الـواو0 وناتـي تبكـي الولايـف
ولانـي حالـي كثيـر الحسايـف
لامستحـي منـه ولانـي بخايـف
قبلـي صناديـد المحبيـن يبكـون
اليا0 ياسـي مكبـره منـك ياسـي
يالله عساك تعيش وان عاش راسـي
بكره لسوي في بحـورك مراسـي
واغوص واطلع منك خافي ومكنون
