من تقاليد أعراس بلاد الشام ..؟؟

من تقاليد أعراس بلاد الشام ..؟؟

السلام عليكم
من بلاد الشام (لبنان سوريا فلسطين)
تاتي ام العريس واختو الكبيره او خالتو (اذا كانت الاخت مش كبيره بالعمر)
بشوفو العروس وبيحكوها عن العريس واذا تمت الموافقه من الطرفين
بيجو الرجال عيلة العريس وطبعا العريس معهن بيفصلو المهر
(ملبوس بدن/مقدم /ماخر )
وبحددو يوم شوفت العروس..

يوم الشوفه بيجي العريس وبيكون عزوت البنت موجودين
(الاب العموم الاخوه )بتدخل العروس بضيف قهوه
او شراب وبتقعد شوي وبتطلع
اذا عجبتو وعجبها بحددو يوم كتب الكتاب ويوم كتب الكتاب بتصير حفله للنساء
والرجال كلنا على حده (طبعا هيك الاصول بس للاسف بهل ايام.....)

خلال حفلة الرجال بتم كتب الكتاب ومولد نبوي
وحفلة النساء متل العاده الكل بابها حله واخر الحفله بتنسحب النساء
(من غير المحارم)وبيدخل العريس بلبس عروستو ..

الذهب المتفق عليه
بعدين بفترة الخطبه العروس بتحضر لبسها والعريس بحضر البيت
وغالبا الاثاث بتنزل معو بيشترو سوا
(بسوريا على العروس تشتري غرفه نوم او ضيوف)
اذا تم قبض المقدم
وبعدين بيتحدد يوم العرس وبيصير حفله بيجي العريس
بياخد العروس بسيارتو لمكان العرس (مع اهلها)..

غالبا بس يجي ياخده قبل مايطلع بيعملولو الزفه (دبكه او سيف وترس)
وطبعا مابيخلى الامر من المفرقعات والزغاريد
باخر الحفله بيلبس الذهب مين بحب يلبس ذهب او يعطي هدايا للعروس..

وبس تخلص الحفله بيطلعو بموكب العروس سيارات اهلها واهلو
وبيعملو فتله بالبلد وبيرجعو بيمرو من امام منزل اهلها ..

وطبعا الايد على الزمور وبيروح على بيتهم وبعدين شهر العسل
اذا في غالبا بعد مرور اسبوع بيعملو مباركه ..
للنساء بتجي بتبارك للعروس وبتجيب الهديه اذا ما أهدت بالعرس ..
ولكم تحيات
ماجد البلوي