من الابيات الطريفة قول احد الشعراء يعاتب الراعي الذي اضاع عنزه..؟؟
من الابيات الطريفة قول احد الشعراء يعاتب الراعي الذي اضاع عنزه..؟؟
وهي ضاعت في مفلاها
لاجل الراعي خبل سايح
العنز الربشا الماسومه
عليها المطرق وارقومه
ما نرخصها بول سومه
واللي تمشي عنده رابح
حمرا عطر مدامعها
واذنيها تشرب معها
يا حظك ياللي طامعها..
حتى قال:
ما بقي منها الا الجره
نهار ان الراعي سارح
انا امس المغرب رحت امشي
بلشان في دوره عنزي
واثر الراعي قلبه جنزي
ضربني بالقول الجارح
يقول العنز مخليها
بالبر هو علمي فيها
قلت اخفس توي شاريها
لو اني داري صاح الصايح
عسي الله مايرعي الراعي
اثره عكروت طماعي
ضيع عنزي واكل صاعي
وانا قلبي مثل الفايح
والله ما دون يدورها
والا يتحمل خسايرها
وان عيا يمكن خابرها
شكوته للقاضي صالح
والابيات الطريفة كذلك قول الشاعر معتب (الراعي):
البارح عقب ا سكوني
فزيت وسهرن عيوني
يوم أونست العلم الدوني
وعيوني هلت من ماها
والبارح مدري وشلوني
ماايقنت ورزقي مضموني
فزيت وكثرا أشطوني
وعيوني جاها الي جاها
مما فيها وعزالي
سبت عنزن ضيعها لي
أنا مايتسع بالي
لين أن الراعي يلقاها
عنز أطيب بمراحي
راحت وهي زينة مراحي
راحت من عرض السراحي
ضيعها والليل أمساها
واسفا بالعنز القارح
الي ضاعت قبل البارح
والراعي في البريه سارح
روح بالغنم وخلاها
قلت أذكرلي وين المفلى
قال أحدر من يم السفلى
كودنك في راس المرعى
تذكر وين تلقاها
ضربت البطين لحالي
حفيان ماخذت نعالي..
وبعد مرور شهر يطلب الراعي ( راتبه )
وهي ثمن رعيه للغنم وتتنوع حسب القدرة فمنهم من يدفع بعض الريالات
والبعض يعطيه تمرا وسمنا والبعض يؤخره ويعطيه من الغنم واحدة وهكذا ..
ومع مرور الوقت تكون الأغنام مريحة للراعي من تعرفها على المرعى
وطريق العودة الى أصحابها..
ولكم تحيات
ماجد البلوي
