سالفة عن النية الطيبة..؟؟

سالفة عن النية الطيبة..؟؟

السلام عليكم
يقولون البدو من اول كان فيه رجال الله منعم عليه
وتاجر ويتنقل يشتر بضعه من الديره الفلانه
ويبيع في ديره ثانيه ..

مره من المرات كان التاجر يعرف واحد من اهل ديرته
والرجال ضعيف وما وكبير في السن وما فيه حيله انه يشتغل
في النخيل ولا يبني لئنه كبير سن ..

مره من المرات قاله التاجر انت وراك بس قاعد
قم اشتغل ورح وتعال ومن هاك الكلام
قال ما اعرف للتجاره وما اسنع نفسي
قال التاجر انا ابي اروح اجيب بضاعه من الديره الفلانيه
وعاد انت جمع لك كم قريشات حتي انك تشتري لك بضاعه
وتبيع وتشتري وتبيع وما يجي الحول ولا انت عندك مال
قال الفقير خلاص انا ابي ادور لي فلوس..

وحصل الفقير فلوس ومن بعد كم يوم كل واحد يمس على ذلوله
وهو يمشون ورايحين يجبون بضايع
ويوم احترت الشمس وهم ينوخون عشان يرتحون وترتاح ركايبهم
وهو يجلسون تحت هاك الطلحه الكبيره
ويقوم الفقير ويبي يصلح القهوه والغداء
وكل واحد حاط فلوسه في كيس يسمونها البدو عيسه
مثل المحفضه والكيسه يكون لونها احمر
ولها خيوط عشان تفتحها وتسكرها ..

المهم
التاجر علق الكيسه والفقير يعلق كيسته جنبه
وقام التاجر وقال اسمع يا فلان انا ابي اتمشي وابي انام
في هاك الطلحه
واذا جهزت القهوه والغداء قومني ..

قال الفقير: تم يا فلان
ويقوم الفقير يطبخ ويسوي وإلا هاك النسر ينزل على الكيسه
يحسب انها لحم لئن لونها احمر ..

ويوم فكر الفقير وإلا الي ما خوذه كيس خويه
وهو يحتار ويقول في نفسه الحين انا وش اقول
اقول ان جاء طير واخذ كيسك ماهو مصدقني ..
يبي يقول النسر ما اخذ إلا كيسي..
وقام واخذ كيسه ويحطها في مكان كيس التاجر وكأن ما شي حصل ..

واخذ شوي ويوم اجهزت القهوه والغداء
ويروح ويقوم التاجر ويتقهوون ويتغدون ..
وبعد الغداء
قال الفقير :يا فلان انا نويتها خيره
قال التاجر : وش كيف
قال الفقير : انا من هالشجره ابي اعود يم اهلي
قال التاجر : يا رجال حنا نبي نروح نتاجر وما حقيت انك ترد
بس امش امش معي وتعوذ من الشيطان ..
قال الفقير : انا اقولك من هالشجره ابي اعود يم بيتي
قال: اجل مع السلامه .

مشي الفقير ويوم جاء اول الليل ويوصل يم اهله
والتاجر كمل طريقه ومن بكره مشي ويوم جاء الظهر
وهو ينوخ مثل العاده وتحت هاك الطلحه ويبي يتقهوا ويسوي غداه
ويوم استوت قهوته وغداه يستوي
وهو ينسدح على ظهر ويناضر وإلا شي احمر فوق الشجره
وهو يقووم ويدور هاك العصاة الطويله
وهو يقوم يقلب ويقلب ويقلب في الكيسه لين طاحت ..

ويوم فتحها ولا هاذي كيسه
ويفتح الكيسه الي معه وإلا هاذي كيس خويه
وعرف هو السالفه وكمل طريقه ..

ووصل الديره الي يبيها ويشتر له بضايع
ويشتري في فلوس خويه بضاعه مثل بضايعه ..

ويحمله ويمشي وعقب كم يوم وإلا هو داخل الديره
واول من شافه هو خويه الفقير وهو يسلم عليه..

وقاله التاجر:
اسمع خذ هاك الذلول فيها بضاعه لك رح ابسط
وترزق الله ..
قال الفقير بس انا ما رحت ولا شريت ولا شي
قال التاجر :
اقولك خذ الذلول وبعد المغرب ابي اسير عليك ..

ويوم جاء المغرب ويسير على الفقير
وقاله انت وش الي رجعك هاك اليوم ..
قال :والله خيره ما كتب لي اني اتاجر ووو
قال التاجر : لا لا السالفه كذا وكذا
وكيسي وخذت منك ..

قال الفقير: إيه والله السالفه كذا وكذا واخاف انك ما تصدق
ان الطير اخذ الكيس..
قال التاجر: هاذي نيتك ..
والنيه مطيه واصبحت مثلاً..؟

نيتك شريفه وماهي خبيثه ومطيتك هي الي وصلتك للي تبيه ..
والمقصد ان اذا كان الانسان نيته شريفه عفيفه باذن الله ..

* اذا نيتك حسنة توصلك للشى الحسن..
وإلا اذا كانت نيت الانسان
خبيثه والعياذ بالله توصلك للشيء الخبيث..
ولكم تحيات
ماجد البلوي