جديد الشاعر مسند دعيس البلوي

من زود اصحابه وطول خطاويه
بكره يحصل صاحبه هـوه عــدوه
ماينفعه لو كــان مبطي مخاويه
وماينفعه لـــو كــان خــاواه تـــوه
واللـــي يقــول المعرفه باقيه فيـه
كـذاب هــــذا الوقت مـافـيه خــوه
خوة مصالح عطني الشي واعطيه
مــاينـخدع فيـــها ياكود المتــــوه
خــــوي فالح فا العــتب والمشــاريه
هرجه يغشك تحســـب انه فتــــوه
يوم السعه يعجبك يـــوم تماشيـــه
وان حتــم المــــيقاف مــــابه مـــروه
وخوي فاالمجلس ليا حــــل طــاريه
مــاودك انه صاحب(ن) لك تشـــوه
وخوي فــي عيوني ماربي محليه
قافــــيه عيــب مــن اســفله لاعلوه
اللــي تبــسم لــي وحقده مخفيه
سنه ضحك والقلب يشكي غلـــوه
واللــي لايمكن في حياتي ادانيه
شخصٍ ماهو جوي ولاني بجوه
فكره ماهو فكري ليا جيت احاكيه
لو كنت اسولف عن حديث النبوه
هوه بفلـك يسبــح يـدور شهاويه
وانا بفلـك والكـل لاهــي بـــدوه
عقــل البنادم نكبته من طواريـــه
ممكن يدله درب ماشب ضــــوه


كلمات /مسند دعيس البلوي