نارن توقد في ضميري تصطلي
من عام وين اللي يحل المشكلي
لا قلت لك يازين يا كل الحلا
انت الدوا مالي سواكم طب لي
صديت عني ماتناظر حالتي
والصدر من كثر المواجع ممتلي
ياصاحبي مليت ماعندي صبر
والجرح ينزف لا تقل ماقلت لي
صبري على قل الوفا مايحتمل
ماقلت لك سحاب صيف وينجلي
ايام وشهورن توالت معرضه
لاضاق صدري رحت انا يم الخلي
اللي عطاك الحسن وعيونن وساع
خلا فؤادي في غرامك مبتلي
محمد الثوعي
