خاطرة: أكرموا راعيات البيوت

بِسْم الله الرحمن الرحيم ::: هذه خاطرة تعرض نصائح عامة لبعض الحالات الاجتماعية التي سمعنا وقرأنا عنها حديثا ...ارجو ان تنال إعجابكم

🌹أكرموا راعيات البيوت 🌹

يارب استودعناك المملكة بكل الاحوال
و زدها خير وامان وعلم وتطور وسلامة

ويارب احفظ لنا ابو فهد سيد الرجال
واحمى وطنا من كل خبيث باع إسلامه

وكل منا ياعرب لازم يطول البال
ويفووت الفرصة عن ابليس وازلامة

ولا وقع الفاس بالراس جانا السؤال؟؟؟
ليش ماشكرتم الله على كثر إنعامه ؟؟؟

وعلى الامن والعافية وستر الأحوال؟؟؟
وقدمتم لله حسن الخلق وصيامه وقيامه؟؟؟

وكبيتوا عنكم الشر والقيل والقال
واكثرتم من ذكر الله وقراية كلامه؟؟؟؟

الحياة بها سعادة وسلامة واهوال
ويفهمها راعي العقل والدين والشهامة

الي لابد كل ليلة انه يحاسب الحال
ويجلي الصدر من غله ومن اثامه

ويرجع عن الذنب والخطأ بالحال
ويعمل على نشر الخير ويرقى سنامه

والي بحقهم بالشرور حط وشال
لابد من صدق العذر وتوضيح الندامة

🚨النساء امانة ولا بد يوم من سؤال
جوابه يوردك جنة او نار يوم القيامة

يجور عليهن الردي هامل الرجال
ويشيمهن ابن الدين والطيب والكرامة

عيشة بمعروف ومخافة الله عليها ظلال
او فراق ما يسبب كوارث هدامة

النبي وصانا بالنساء خير يارجال
طبعوا الشفيع وأحسنوا فيهن القوامة

المسألة يالاخو ماهيب استعباد واذلال
هذي زوجة لها حقوق ولها كرامة

الله احلها لك متعة وتنجب أطفال
مقابل توفير المعزة لها والسلامة

تشوف فيك الامن والرجاء والآمال
وتبني معاك البيت وتسعد مقامة

تقوم انت تحط رأسها بوسط الرمال!!!!
وتقول خليش تحت الامر مثل النعامة

بنات الأجاويد توحي وين الخاطر جال
والحر تكفيه عن جارح القول علامة

📢أكرموا راعيات البيوت امهات العيال
وان تكدرت:: اخرج: واقهر نفسك اللوامة

وعلى البنور لا تجور بكرة الحال بالحال
يحرق الله قلبك ويسلط أسلط ظلامه

على من تحب وانت موثق بسلسال
تقول يارب أرجوك متى تنقشع الغمامة؟

حرام تجرب الظلم عليها ألوان واشكال
خاف الله وترجاه؛:: وايش انت قدّامه؟؟!!

ظلم الي ولايتك عليه بركان وزلزال
يحرك ضمائر ونتايجه خسائر وغرامه

علمها الخير بالرفق وبطول البال
ولا ينقص من رجولتك حتى شيل القمامة

اما الضرب والتعنيف والتهديد بالانفصال
مايسويها الا نذل او راعي غشامة

عن معزة ترى مهما ثقل حملك ينشال
أكرمها وشيمها يجعلها الله لك مثل الغمامة

لا بالسب والاهانة ولا بالسيف والمال
ولا بإرهاب القلوب وكسر احلامه

ولا برفع النفس كبر ،،، ولو بمقدار مثقال
يتمكن الرجل من فرض نظامه واحترامه

شوف أصايل الخيل وأصابا الجمال
أكرمها تنوف وتوفي وتهديك الزعامة

📢يا ملاحقين النساء على القييل والقال
ما راح تجنون غير المرض والندامة

عند بعضهن: هواية مثل الاطفال
اليوم بينهم ضغينة وبكرة ابتسامة😂

ضعيف العقل تلقاه لسيفه دوم سلال
وينسى: التغافل ويعييين ابليس بمهامه

يحسب ان طغيانه عليها من الكمال
اقرا الحديث واسمع علوم النشاما

بكرة لا جاه الهم من جنوب ومن شمال
يقول لبيه ياشرع الله وأحكامه

رببي حرة تقوم بدورها حسب الأحوال
في كل ظرف: تسد: أميرة: لا خدامة

تبي من المهيونة تربي لك اجيال؟؟؟!!!
المسالة ماهيب لبسه ونظافتة وطعامه

لزوم ينشأ مسلم في المجتمع فعال
الكتاب والسنة والطيب منبع كلامه

📢ليت الغيبة والنميمة والبهتان للزوال
وليت كل من يحفر حفرة تكون هي مقامه

عالم الغيب محد يقدر عليه يحتال
يعرف النوايا لو غلفتها بأجود علامه

وأفضل صلاة على الي جانا مرسال
وعزز المكارم وأنكر الردى وال لائمة

وسلامتكم واعذروني من القصور


كلمات م. أحمد بن حسن البلوي