خاطرة::: بعض الشباب ما يسد وقت الحاجة

خاطرة (بعض الشباب ما يسد وقت الحاجة)😂😂😂😂

الحمد الله على ضيق الحال وانفراجه
والراشد الي يتعظ وفكره قدامه يقز

الحمدلله أمن وكرامة وتوفر كل منحتاجه
من دولة همها رعاية وتطوير وبها نعتز

امر ملكنا يتم قبل مايهدا عجاجة
ونفدي الدولة بالدم وبكل ما نكتنز
التطور له ضريبة حسب سرعة إنتاجه
وبعض علوم بانت كنا منها نتقزز

وقت ًًٍ سريع غييًًُر سلوم وديباجه
لين شفنا الذئب يرضع من العنز

من طال عمره ينكتم في حجاجه
ويشوف أمور منها مفلوج الأربع يفززز

لعبو بجيناته وفي مناخ مزاجه
لين تجرد من الغييرة والكرامة والعز

هرمونات وقهر وافلام خواجة ؛؛؛
تعدل الأسد والطلي والصقر و الوز

بعض الشباب ما يسد وقت الحاجة
مايوصل حريمه و من خدمتهم يتقززز

هارب من المسئولية بلا عذر وبسماجة
عشان الدجة و واللعب والتطنز

يصارخ ؛ ماني بعندكم سواق يامهراجا
وربعي ان ماجيتهم ما يذوقووون الرز

الدبرة عند كومار او ابن سفاجة،،
يوديكم مولات ومطاعم وهو مخنز

عطر الدراهم يخليه مثل الدجاجة
و تأخذون راحتكم ولا احد ينرفزززز


سواتكم يالحريم عوفتي السوق وحراجه
وجوابي صار ؛ربعي بالاول وبهم اعتز

بالنهضة كُلِّ مركزه حسب معراجه
والخسارة ع الي عالصياعة وعالتفاهه يركز

من طال به العمر ويبي يزيد بخراجه
؛مايدقق ويرقد ومن عصير الكتب يمزمز

وسلامتكم وشكرا اخوي فايز.... شجعتني على الرد الفوري والعذر من القصور ...