لتذكير في الحلقات الماضيه (1)(2)(3) ابن بطحان ودقعه
الحلقهالاولى(مسلسل ابن بطحان والدقعه)
--------------------------------------------------------------------------------
موسيقى العمل (صاحبي بالمحرقه يومي بشليله طلع القرطاس من وسط القواطي)
الحلقه الاولى
زيدان:معيض ولد يامعيض
معيض:حاضر ياعمي
زيدان :وين رشيد
معيض:رشيد خابره يصلح بكفر السيكل حقه مبنشر
زيدان:ولدي يامعيض بالحال تروح وتناديه بساع يالله والى الشخمط وجهك في حفرة النار
معيض :ابشر ياعمي الحين رشيد رشيد
رشيد:وش تبغى انت وجهك
معيض:انا ما ابغاك الى يبغاك عمي زيدان
رشيد :لاحول وش يبي هل غثه ازعجنا مايشوفني الصلح بهسيكل الى وهوه زاهم علي
معيض :تكفى يارشيد روح له ترا وجه اليوم معصب وعيونه تقدح شرار
رشيد :تبيني اكفخه لك امر يا معيض انت منت بعارفني زين
معيض :اقول قم لا يسيروا الثنين في حفر ت النار
(معيض ورشيد يذهبوا الى زيدان ويلقونه جالس يتسمع عزازي )
زيدان:ساعه لما تجوا انت وياه تعالوا ابيكم
معيض ورشيد بصوت واحد(ابشر ياعم)
زيدان :اسمع انت وياه ابيكم اليله تزهمون يم عرب ابن بطحان وبيكم تجيبون لي الكامري العشبي المدقوقه قدام بيت الشعر سامعين
معيض :بس ياعمي حنى مانعرف نسوق الكامري حنى حقين سياكل وبس
رشيد :تبينا ياعم نكسر قزازها ابشر نشخط لك البودي امر الجنوط ابشر بس السواقه صعبه
زيدان :وش الحل ؟
معيض يفكر:لقيتها ياعمي مافيه غير قوقل الولد هذا من يوم ترك البنشر الي كان يشتغل فيه وماغير متسدح للبنات عند الغدير وطايح ترقيم بس ماحولك احد
رشيد :انا اشهد بالله ان معيض هذا داهيه من دواهي الزمن
مهيض يضحك:هاه هاه هاه
زيدان:الحين تجيبون لي قوقل وتقولون عمي زيدان يبيك
(يذهب معيض ورشيد الى قوقل وبطبع عارفين مكانه منسدح عند الغدير)
__________________________________________________ _________
في مكان اخر
بدرالالبدجالس على راس جبل يراقب معه دربيل (من ابو ريالين)وبجنبه ابو اسامه
ابو اسامه:يا بدر انت تتوقع ان في شي راح يسير
بدر الالبد:اسمع انا حاس ان فيه شي راح يسير من الصبح وهل اثنين ماجلسوا رشيد ومعيض وزيدان ماغير واقف مره يناديهم ومره يطردهم
ابو اسامه:من الثالث الى جاء معهم
بدر الالبد:اكملت والله هذا سلمك الله قوقل انا اقول لك راح يسير شي اسمع ياولد تروح ولا احد يدري عند محمود الجذلي وتقول له بدر يقول اتصل على الشباب حقين البالوت ضروري نبيهم
ابو اسامه :وابن بطحان نعطيه خبر ولى لا
بدر الالبد:لا روح لمحمود واذا مالقيته في بيته تلقاه جالس ورا طعس ويرسل بلوتوث عوايده
[U]__________________________________________________ ___
عوده عند زيدان
زيدان:ياهلى بقوقل يالله حيه وين مااحد يشوفك وش تكبرت علينا من يوم اشتريت جوال ابو كمره
(الجميع كلهم يضحكون مومنزين النكته بس خايفين من زيدان)
معيض : قوقل يحبك كثير ياعم حتى اسئل رشيد
رشيد : وهوه صادق (الصلا من يحبك )بينه وبين نفسه وهوه صادق
زيدان :حتى انا احبه قوقل مثل ولدي اسمع ياقوقل حنى عزمنا نغزي عرب ابن بطحان ودنا نجيب الكامري حقته هنا وانت عارف معيض ورشيد شغل (سياكل افغانيه)بس وبيك تكون معهم
قوقل :ابشر ياعم والله لو تبي الفكس ار حق موسى ربيع لجيبه لك
زيدان :كفوا قوقل اسمع يامعيض اشحن جوال قوقل (بطاقة سوا ام 50 ريال )واذا جاب الكامري(اشحن له 50ريال )ثانيه يستاهل ولدنا قوقل
[CENTER]__________________________________________________ ______
في مكان اخر
ابن بطحان منسدح المسكين وتواصل قاعد يغسل في الكامري وهوه ماغير
ابن بطحان:انتبه على البودي ياولد لا تجرحه الطرد الورعان عن المرايات اغسل الكفرات زين
تواصل:ابشر
ابن بطحان:ياتواصل بدر الالبد ماشفته اليوم من الصبح ماشفت الشفر حقته الحمراء
تواصل:شفته ياعم قريب الضهر هوه وابو اسامه طالعين قريب قبيلة زيدان
__________________________________________________
[/
الحلقه الثانيه(ابن بطحان والدقعه)
--------------------------------------------------------------------------------
الحلقه الثانيه
(ابو اسامه مسرع في الشفر حقت بدر رايح لمحمود يبيه يفزع هوه والشباب ومحمود زي منتم عارفين ماحولك احد ماغير متسدح على الطعوس ويبلتث في هل بنات -ويوم مر امام بيت ابن بطحان غير هوه مغبر على الكامر ى )
تواصل :عمى ياالخبل
(ابو اسامه يضرب فرامل ويرجع ريوس ويوقف قدام بيت ابن بطحان)
ابوسامه :انت ياتواصل تكلمني انت وجهك نقول واحد واطي عليه
تواصل :اسمع امش يا ابو اسامه ولى اخلي عمي ابن بطحان يمسح الغبار الي جاء على الكامري بوجهك
ابو اسامه تقفل معه وينزل زمعه اليور (مفك الكفرات)تواصل المسكين يهج ويدخل على ابن بطحان في البيت
تواصل :الحقني ياعم ابو اسامه يبي يذبحني تكفى ياعم انا داخل على الله ثم عليك
ابن بطحان :افا وانا اخو بسكال والله ماياصلك غير وانا حادرن راسهابو اسامه تعال تعال يا المهبول انت علامك منغثي اليوم
ابواسامه :انا رايح مستعجل ابي العيال مرسلني بدر يبيهم وهذا غلط علي وانا رجعت ابي احوس مريره بس والله ما اتركها لك يا تواصل (ذابحك -ذابحك)
ابن بطحان :افاا وش العلم ياولد ياابو اسامه هاه وش السالفه الي تبي تخبر العيال ومستعجل بعد هاه رديا ولد ولى والله لربطك قدام البيت مدت اسبوع وخلي كل الورعان يكنحون عليك تراب سامع
ابو اسامه :ياعمي انا مالي دخل الالبد موصيني ماقول لك ان فيه حركه غريبه عند غريمك زيدان وماغير بدر من الصبح جالس يدربل عليهم وهوه شاك في الموضوع ومرسلني لمحمود والعيال هذي كل السالفه
ابن بطحان:انا اخوكي يا بسكال والله ان زيدان حفر قبره بيده ولد ياتواصل بساع نادي لي وجيه القبيله ابيهم بساع زيدان اقشر وماله امان وليله الضلم
ابو اسامه :الروح ياعمي
ابن بطحان :الرجع لى الالبد وقوله يجيني ابيه
__________________________________________________ _
في مكان اخر
قوقل :اسمع يامعيض انا مسو ي خطه على راي اخونا المصريين (متخرش الميه)
معيض:انشهد انك مخ يا قوقل ممتازه الخطه موافق
رشيد:لا حول طيب اسمع الخطه الاول وبعدين وافق بس مستعجل (ذبحنا هل معيض مخ مافيه ابد)ابينه وبين نفسه
قوقل :انت وياه التركوا عنكم الهواش واسمعوا (الخطه انا نتنكر بشخصيات مايعرفوها عرب بن بطحان)
يعني مثلا معيض ينفع يكون(لبناني)
رشيد :يضحك امحق من لبناني يمكن يكون لبناني محمش شويه (ههههههههههه)
معيض :اسمع يارشيد الجمال هذا من الله وقول الزرط العافيه
قوقل :انت ياوائل ورامي خلوني اكمل ولى اعلم العم زيدان(واتم عارفين زيدان)
يدق الجوال مع رشيد(من زيدان اتصال )طبعا رشيد مخزن زيدان الغثه بجواله
قوقل :ياخي طفي جوالك
رشيد: هذا زيدان يا هنشبه وش يبي
معيض :رد رد وحطه على السبيكر(حركات بدو)
زيدان :الوا ساعه لما ترد انت وجهك وينكم الحين
رشيد :حنى عند قوقل جالسين نسوي خطه
زيدان:ول ياقوقل ساير (شوارسكوف) اقول عطني ياه بسرعه
قوقل :هلا بعمي زيدان اما هيه خطه
زيدان :تعالوا ابيكم بلى خطه بلى خرابيط مصدق ان عندك مخ الصلا انت الوحيد الي لو يقولولي جته جلطه بلمخ ماصدق داري ليش
قوقل :ليش ياعمي
زيدان: عشان ماعندك مخ
(معيض يضحك بصوت مرتفع هاه هاه هاه هاهخخخخخخ هاهاها)
زيدان :وبعد حاطينه سبيكر والله يالله بسرعه تعالوا
__________________________________________________ ____________
في مكان اخر
ابو اسامه:يابدر حول ابيك بسرعه
بدرالالبد:وش تبي يا ابو اسامه
ابو اسامه: ابن بطحان يبيك في بيته بسرعه
بدر الالبد :لاتكون قلت له شي خابرك (زي قناة الجزيره)
ابو اسامه :افاا عليك ماقدر يحصل مني على شي (والله اني ماخليت شي ماقلته بس ابو نضاره هذا اقشر)
بدر الالبد:كفوا يا ابواسامه روح وقله بدر ساعه ويجيك بس يبي يصلح (شوبنق)مع الاهل (اوكيه)
ابو اسامه : (اوكيه )
__________________________________________________ _____
في مكان اخر
(ابن بطحان --ومحمود الجذلي ---وموسى ربيع ---تواصل ---وابن مساوي ---النبع الخالد---حماد السحيمي---
فايز الجودي--وابن الرويحل )جالسين عند ابن بطحان في البيت ويدخل عليهم ابو اسامه
ابو اسامه : السلام عليكم
الجميع :وعليك السلام
ابن بطحان :وين بدر يا ولد
ابو اسامه : بدر ساعه ويجي
ابن بطحان :انشالله(وش رايكم يربع بلي قلته لكم عن زيدان وعربه)
موسى ربيع : انا راي انا نغزيه اليله ونتغدى فيهم قبل مايتعشوا فينا
حماد السحيمي:انا رايي انا نخطف زيدان خطف
محمودالجذلي :انا اقول ماله داعي المشاكل انا مشبك نص بنات عربهم بلوتوث
ابن مساوي : انا من راي موسى
النبع الخالد :وانا من راي ابن مساوي وموسى
(اما فايز ابن الرويحل وفايز الجودي ماحولك احد )جالسين يلعبوا مقطار
ابن بطحان: جهزوا نفسكم للغزوا القابله(جاك الموت يازيدان)
-
________________________________________________
في مكان اخر
(زيدان --معيض ---قوقل ---رشيد----عبد المنعم جابر---سلمان العرادي --العثماني ---ياسر حمدان--عبدالله الوحيشي---واسكار
________________________
الحلقه الثالثه (ابن بطحان والدقعه)
--------------------------------------------------------------------------------
الحلقه الثالثه(ابن بطحان والدقعه)
زيدان:اسمعوا ياربع انا ماجبتكم وجتمعت فيكم غير لما انتبهت لراس الجبل من اليوم الصبح وبدر الالبد ماحول من راسه بس جالس يدربل على عربنا وانتم عارفين بدر ودربيله هذا استغفر الله يسمع منه
معيض :اقول ياعم تبيني اجيب لك راسه
زيدان :اقول انطم والله راس دش ماتقدر تجيبه انت وجهك
رشيدوقوقل ميتين من الضحك على معيض
عبدالمنعم:انا حاس ان فيه شي يدور في عرب ابن بطحان والله اعلم الدواره راسك يا طويل العمر
رشيدبينه وبين نفسه من زين راسه عاد)
العثماني:والله مايكفيني روس قبيلة ابن بطحان كلها في العم زيدان
اوسكار :قال راسه حنى لازم نتجهز ياربع
عبدالله الوحيشي :انا اقول زيدان لازم يكون حذر وينتبه ومن رايي انه ماينام في البيت
زيدان:ياربع جهزوا نفسكم الغزو الحرب معيض جهز السلاح لربع من بكره غازيين عليهم
معيض :يابلشت البلشه هذا غير يحيل علينا هوه وجه مسوي نفسه الزير زيدان (الله يرحمك يا زيدان)
_________________________________________________
في مكان اخر
(بدر الابد داخل بيت ابن بطحان )
بدرالالبد:السلام عليكم ورحمة الله وبركاته
ابن بطحان:هلا بدر وينك ماجيت لما ارسلت لك ابو اسامه عسى المانع خير
بدر الالبد:لا والله ياعم عندي اخبار ماتسرك ابد
(ابن بطحان يقف عاد هوه قصير وقف ولى قعد زي بعضها)
ابن بطحان :وش العلم يالالبد
الالبد:العلم ان زيدان جمع عربه كلهم وشكله ناوي الغزو ونت هدفه يا طويل العمر
ابن بطحان :افاانا اخوك يابسكال والله مادون الحلق غير الكتاف بدر ازهم لي على وجيه العشيره (تواصل ...تواصل...الولد هذا مايذكرني غير في الدباب ان بغيته ما لقيته وان مابغيته في كل شارع تحصله)
بدر الالبد:انا لي ساعه الدق على موسى وشكله حاط جواله على موجود (ومحمود رد لما قلت له جهز نفسك للغزو حول جواله على مغلق )وانا بعد اذنك ياطويل العمر عندي تطعيم للولد وابواسامه يقول انه صايبه العنقز
ابن بطحان :يافضيحتك بين العربان ياولد بطحان والله ان زيدان غير يسويني شورما الله يستر تكفى يابدر لاتخلوني الله يستر والله ان زيدان غير يولع فيني وانا حي
______________________________________
في مكان اخر
(داخل بيت زيدان)
معيض:ياعم جبت السلاح ورحت للي كانو عندك وكلهم الي يقول انه مشغول والي يقول انه رايح مشوار تصدق ياعم
ان رشيد وقوقل يقولون انهم رايحين الحج وحنى الحين بشهر الربعه يعني ياعم زيدان مافيه غير انت وانا عن اذنك يمكن اني بكره مرضان
زيدان:معيض حبيبي انت صادق والله مافيه احد
معيض ليه ياعم زيدان عمرنا كان بينا مزح والحين حبيبي والصبح ودك تحط وجهي في حفرت انار
زيدان:الله على العلم الي مايسر والله ان بطحان غير يمسحني من الوجود(زيدان يبكي)والله ان هل قصير غير يسوي فيني الي محد سواه المشكله اني اخر واحد في سلالة العيله معيض لا تخليني ياولدي
معيض :والله كان بودي لاكن للاسف (نواتز )على فكره العثماني يقول انه مايقدر يشارك عشان بكره عيد ميلاده ويقول لك(هبي نيويير
)
________________________________________________
في مكان اخر
(محمود الجذلي وبدر الالبد وابو اسامه )جالسين ورا طعس محمود وانتم عارفين البلوتوث ومحمود
بدر الالبد:تتوقعون يسير غزو من زيدان علينا
ابواسامه:انا مااحب اتكلم في السياسه
محمود الجذلي:مسك البلوتوث هذي حاطه رقم اص ابي اتصل والاكلمه اص
(محمود يتصل )طوط ...طوط....طوط....
محمود :الوا ممكن نتعرف
رشيد :هلا من تبي
محمود:من انت اعوذ بالله احسبك صوت ناعم
رشيد:انا رشيدتبغى شي لى تكون ________
(محموديقفل في وجهه )
بدر :منهوا الي رد
محمود :وحده صوتها موت موت يهبل عن اذنكم يا شباب
ابو اسامه :خطير محمود والله خطيرانا سامع الصوت مووت جنان
بدر :ياخي انا لي سنه ابلتث ماغير يطلع لي موسى ربيع وابن بطحان اقول ابو اسامه وانا خوك رجعنا الديره شكل ماعندهم سالفه الثنين
ابو اسامه:انت تقوله انا الحين لاحقك(انت ونضارتك)بينه وبين نفسه
______________________________________
في مكان اخر
(عبد المنعم وعبدالله الوحيشي واسكار)في بيت اوسكار
اوسكار :دق عبد المنعم على معيض شوف وش قاعد يسوي زيدا
الوحيشي :الضاهر انه قاعد يبكي ويتويل مسكين مايستاهل
عبدالمنعم :ماني داق ولا لي دخل الي ذابحه حر الغزو يدق
اوسكار :انا راح اتصل ولا نفس عشان معيض مايقول له انا مجتمعين
اوسكار:الو كيفك معيض
معيض :هلا اوسكار
اوسكار ك كيف زيدان ماشوف له حس
معيض :اي زيدان هذا صار زيد واحد فقط
اوسكار :ياخوي عرب ابن بطحان مالهم حس ابد تقول مخليه
معيض :وانا اخوك هذا يسموه سلمك الله الهدوء الي يسبق العاصفه
اوسكار :امش والله ساير مثقف يا معيض
معيض :افا اا عليك منت داري ان معي ثالثه ابتدائي ليلي وماخذها من ثاني سنه
اوسكار: مع السلامه
اوسكار : يااربع حنا لازم نهج يقول لي معيض ان عرب ابن بطحان طاخين عليهم يجي الف طلق وشكل رشيد وقوقل انهم مقتولين
الوحيشي :البي البي البي
عبدالمنعم:اقول بلا ائلبي بلا كذب قلبت مصري قم هلنا نهج
؟؟؟؟؟؟؟؟؟؟؟؟؟؟؟؟؟؟؟؟؟؟؟
__________________________________
